Jornalísta : Amar Belo //
G-RTV.Com (Dili) : Loron votasaun ohin, iha parte dadér, Atuál prezidente repúblika, Francisco Guterres Lú-Olo ezerse nia direitu iha sentru votasaun.
Hafoin ezerse nia direitu votu, kandidatu ho númeru sorteiu 6 ne’e hateten, nia vota hodi hametin estadu direitu demokrátiku.
“Ha’u hatete ona iha debate no Kampaña, ha’u vota atu hametin estadu direitu demokrátiku hodi hala’o dezenvolvimentu ida ne’ebé sustentável atu nune’e povu nia moris di’ák”, Informa atual Prezidente Repúblika ne’ebé akompaña ho nia espoza Sidalia Mouzinho iha Sentru Votasaun Eskola Bázika, Faról (Dili), 19/03/2022.
Nia hato’o mós mensázem ”alerta” ligadu ho kontázem votu, katak, garante ekipa sira ne’ebé mantem resposabilidade ho kontázem loloos.
“Ligadu ho kontázem votu, ha’u hare ekipa sira iha ne’e, sei hala’o serbisu ho di’ák hodi hala’o apuramentu lolos ba rezultadu ne’ebé mak, ohin ema husik hela nia votu” Tenik Nia
Nia akresenta tan, wainhira lakon sei serbisu hamutuk ho Prezidente ne’ebé eleitu maibé nia fiar metin katak sei manan iha primeira ronde .
Iha fatin ne’ebé hanesan, Sekretáriu jerál FRETILIN nu’udár partidu apoiante Lú-Olo, Mari Alkatiri, Garante Lú-Olo Sei manan iha PrimeiruRonde
” Ha’u dehan Lú-olo manan ona la iha karik Tan” Espressa Mari Alkatiri
Entretantu, tuir observasaun ne’ebé G-RTV.com, iha terrenu, Sentru Votasaun refere hetan seguransa máxima husi PNTL no assisténsia husi fiskais, STAE, observadór nasionál, internasionál nomoos Brigada husi kandidatura Sira nian. (REMATA).
loading="lazy" />