Jornalísta : Amar Belo //
G-RTV.com (Dili) : Kandidatu Prezidente ho númeru sorteiu 2 ba eleisaun prezidensiál 2022 ronde daruak, Francisco Guterres Lú Olo deklara respeita lala’ók demokrasia.
Atuál prezidente repúblika ne’e deklara garante manan maibé karik lakon nafatin kontribui nu’udár sidadaun.
“Demokrasia hanesan ne’e duni, lakon ka manan hau sempre hateten nafatin ho dignidade no ha’u sei la eleitu, hanesan sidadaun ha’u kontribui nafatin saida mak ha’u bele atu nune’e ita nia rai ne’e la’o ba nafatin liu husi ha’u nia komprimisiu hotu-hotu ne’ebé ha’u halo ba povu.” Deklara atual prezidente RDTL, Fransisco Guterres Lú Olo ba jornalista sira iha sentru votasaun eskola bázika, faról, Dili, tersa feira ohin, 19/04/2022.
Nia afirma tan, ”ha’u nia votu signifika ba timor leste páz no estabilidade”.
Iha tempu hanesan Sekretariu Jerál Partidu FRETILIN, Mari Alkatiri ne’ebé akompaña prezidente repúblika atuál iha sentru votasaun faról, garante katak Lú Olo manan iha elisaun Ronde Daruak.
“Ha’u Garante Nia Manan no hau fiar katak militante fretilin sira la sobu pas no estabilidade.” Garante Alkatiri.
Entretantu, akompaña kandidatu prezidente repúblika ho númeru sorteiu 2 iha sentru votasaun, mai husi nia espoza rasik no oan-mane bo’ot.
(REMATA).
loading="lazy" />