Ohin, Grupu Deskoñesidu Tuda Parada Militár F-FDTL

Jornalista : Arménio //

G-RTV.com (Dili) : Grupu deskoñesidu ne’ebé maioria husi jóvem, utiliza motorizada kuaze ema na’in 100 resin, tuda formatura parada militar  iha  kuartél Jerál F-FDTL, Fatuhada,Dili.

Tuir observasaun direta ne’ebé jornalista husi G-RTV.com iha terrenu, bainhira membru F-FDTL ne’ebé halo treinamentu parada militar, derrepente hakfodák ho fatuk ne’ebé mai husi grupu deskoñesidu, utilija motorizada, tuda tama kuartél laran, la to’o minutu, ho rápidamente militar sira ne’ebé hala’o hela parada, halai sai ba estrada hodi duni no kaptura jóvem balun ne’ebé hala’o asaun tuda ne’e.

Asaun krime ne’e, halo husi grupu deskoñesidu ne’ebé ‘’Pawai’’ ho motorizada husi diresaun Aitarak laran bá area Komoro no Polísia Militar hamutuk ho PNTL iha terrenu, konsege kaptura jóvem balun ne’ebé hala’o pawai provokativu ne’e.

Rezultadu husi tuda ne’e, la hakanek militár sira ne’ebé halo hela preparasaun ba loron transformasaun husi FALINTIL ba Forsa Defeza Timor Leste.

Jóvem hirak ne’e, antes mai halo asaun iha Kuartél Jerál, hala’o uluk asaun krime iha area Bebora, iha ne’ebé rezulta sasan balun husi komersiante ambulante nian estragu totál.

Akontesimentu ne’e, akontese iha loron 01/02/2022, Iha óras loraik, Tuku 15:00 resin ÓTL, iha area kuartél Jerál F-FDTL.

To’o notísia ne’e publika, seidauk iha rezultadu investigativu husi autoriedade PM no PNTL  ne’ebé halo investigasaun.

(Remata)