Jornalísta : Amar Belo //
G-RTV.Com (Dili) : Atuál Prezidente Repúblika Demokrátika Timor Leste (RDTL) rekandidata-án fila-fali ba prezidente tinan lima mai tan liu husi kandidatura Fretilin tamba lei inan fo dalan.
Atuál prezidenti RDTL, Francisco Guterres Lu-Ólo hateten, lei inan fo dalan hodi nia rekandidata atu kompete ba prezidente repúblika tinan 2022-2027.
”Iha 20 Maiu agora, hakotu ha’u nia mandatu prezidente repúblika (PR) maibé konstituisaun ka lei inan ita nian fó dalan hela mai ha’u atu rekandidata-án dala ida tan ba PR tinan lima mai ” hateten Lú-Olo liu husi komisiu mini-kampaña iha kampung Baru, suku Comoro, posto administrativu Dom aleixo, munisípiu Dili, segunda feira ne’e, 14/03/2022.
Nia akresenta liu tan katak, simu ho haksolok no ónra bo’ot hanesan maubere-oan ida, sekarik sai PR eleitu sei ukun tuir lei ho konstituisaun.
Tamba ne’e bainhira ho sukat kbi’it tomak atu sai prezidente, sidadun hamutuk rihun atus ida rua nulu resin lima haruka lista atu prezidenti repúblika nafatin ba mandatu tinan 2022-2027. (REMATA).
loading="lazy" />