G-RTV News (07/05/2021): Ministériu Agrikultura no Péskas (MAP) halo lansamentu kampaña senbilizasaun nasionáll konabá lakataru makerek (fall armyworm) no peste suina Áfrika (Afrikan Swine Fever).
Kampaña nasionál ne’e atu sensibiliza komunidade agrikultura atu kuda-hare ho diak no kuidadu mós bainhira hakiak fahi, tamba pesti rua refere hanesan dezastre bo’ot ida ne’ebé oras ne’e mundu agrikultura preokupa liu-liu akontese ona iha tinan balun liubá.
Ministru Agrikultura no Peska, Eng. Pedro dos Reis, afirma katak tulun ne’ebé mai husi guvernu Australia atu fortifika programa sensibilizasaun ba komunidade konabá pesti ASF no Lakataru makerek.
‘’Ita hetan tulun husi guvernu Austrália hodi halo programa sensibilizasaun ba ita nia komunidade konabá perigu husi ASF no lakataru makerek atu nune’e ita iha preparasaun diak liu tan karik mosu pesti ne’e’’. Haktuir Ministru MAP iha serimónia Lansamentu Sexta-Feira ne’e, iha salaun MAP Comoro, Dili.
Guvernante ne’e, afirma liutan katak MAP mós sei iha programa atu rekopera komunidade nia fahi sira ne’ebé mate tamba pesti ASF.
‘’MAP sei rekopera fahi sira ne’ebé mate durante pesti ASF iha Tinan kotuk, liu husi programa sosa fahi, maibé kondisaun tenke preparadu ba benefisiáriu sira’’. Afirma Ministru MAP.
Konabá batar, MAP esklarese katak iha territóriu nasionál, 25% de’it mak hetan estragus husi pesti lakataru makerek.
‘’Ha’u tun direta ba observa konabá pesti lakataru makerek ne’ebé estraga polusaun nia hare, iha de’it 25% mak estragus husi pesti ne’e’’. Espresa Nia.
OGE 2021 ne’ebé prevé ba prevensaun pesti rua ne’e hamutuk 20 Mill Dollar Amerikanu ho objetivu atu halo preparasaun diak liu tan molok pesti refere invade fali povu agirikultura.
Jornalsita : Oza Carvalho.
Editór : Julio Paixão.
loading="lazy" />