G-NEWS (DILI) – Relasiona ho loron kampanha eleitóral ne’ebé sei akontese iha loron 19 fulan Abril tinan ne’e, hosi Partidu Polítiku sanolu resin hitu, ne’ebé sei partisipa iha eleisaun Parlamentár, ne’ebé realiza iha loron 21 fulan Maiu tinan 2023.
Tanba ne’e, Diretór Ezekutivu IKS PTL Kera Sakti Timor Leste Samuel Guterres, ba G-News, Kinta-Feira(13042023) esplika, Organizasaun Kera Sakti hasai ona mensajen ba membru tomak iha territóriu nasionál atu kontribui ba paz no estabilidade, liuhusi sirkular organizasaun nian.
“Organizasaun IKS PTL Kera Sakti Timor Leste fo kontribusaun masimu husi asaun nebe ami halo liu husi mensajen ba membru sira hotu, no ami mos hasai ona sirkular No.ref 03 /DN.IKS.PTL/III/2023, iha sirkular ne’e ami fó sai mensajen klaru ba membru IKS PTL Kera Sakti Iha territóriu Timor laran tomak, no membru sira ne’ebé iha diaspóra, tenke kumpre regras ne’ebé mensiona iha sirkular laran”, Samuel esplika tuir sirkular Organizasaun nian.
Líder Organizasaun Kera Sakti ne’e sublinha tán, mensajem klaru ona maibé kuandu membru sira kontinua kria konflitus no identífika, mak estrutura nasionál iha regras internal rasik atu regula membru sira ne’ebé la kumpri sirkular.
” Maibé karik nível konflitus ne’e krime boot ruma Ha’u hanoin ami tenke kolabora ho parte seguransa liu-liu PNTL hodi prosesu tuir dalan legál, maibé atu dehan deit katak, durante ne’e ami kolabora ho diak ho organizasaun hotu nomos PNTL”, Nia aumenta liutan.
Diretór Nasionál Kera Sakti me’e husu nafatin ba membru IKS hotu, atu hatudu matenek hodi kria paz no garante estabilidade, iha tempu konsolidasaun no kampanha eleitóral hodi kontribui ba Dezenvolvimentu rai ida ne’e.
Jornalista : Ekipa G-News
Editór Testu : Amito Qonusere Araújo
loading="lazy" />