G-NEWS (DILI) – Arguidu ho naran inisiál JSX no lezada naran inisiál L dame malu iha tribunal nia oin, tanba lezada L hakarak dame malu ho arguidu nune’e Tribunál deside omóloga krime Ofensa Integridade Sim-ples (OFIS), tanba haree ba kazu ne’e nia natureza semi públíku ne’ebé lei fó dalan bainhira lezada hakarak dada fali keixa ne’e.
Akuzasaun ne’ebé Ministériu Públiku reprezenta ba Tribunál lei, iha indisius sufisiente katak, iha loron-08 fulan-Junho tinan-2022, arguidu ho lezada nia laen Argenito no sira seluk hemu hela tua iha nia uma, iha aldeia Moris Foun, suku Santa Cruz, Dili. Katak haleu oras tuku 04:00 dadersan, lezada mai fo hanoin ba nia laen atu para hemu tua no fila ba dencansa ona, maibể nia laen Argenito la-halo tuir no kontinua hemu tua nafatin ho lezada nia primu sira.
Nune’e halo lezada hirus foti be iha gayun ida ho valde hodi fakar ba nia katuas oan no be kona mos ba arguidu nia liman. Haree ida ne’e arguidu hirus hodi baku lezada ho basa dala ida iha hasan parte los, no tuku dala ida atinji iha hasan parte los halo lezada monu tun no desmaia.
Konsekuelência husi arguidu nia hahalok ne’e halo lezada hetan bubu moras Iha hasan parte loos maibé lezada la halo tratamentu médiku.
Núne’e Konstitui arguidu JSX hanesan autória matérial ho forma konsumada ba krime Ofensas Korporais Simples previstu no punidu tuir artigu 145 Kodiku Penal.
Audénsia julgamentu ne’e prezide husi Juiz singular Ana Paula Fonseca Ministériu Públiku reprezenta husi Reinato Bere Nahac arguidu hetan asisténsia legál husi Defensór Públiku Manuel Exposto.
Jornalista : Ekipa G-News
Editór Testu : Amito Qonusere Araújo
loading="lazy" />