Jornalísta : Amar Belo //
G-RTV.Com (Dili): Kandidatu Prezidente ho númeru sorteu 13, Martinho Germano Da Silva Gusmão, kontinua hala’o nia atividade kampaña iha munisípiu Dili.
Iha eventu polítiku ne’e, Martinho Gusmão (MG), hateten, bainhira nia sai prezidente, halo konsénsu nasionál no komprimísiu polítika.
“Iha buat rua ne’ebé mak importante, hanesan konsensu nasionál no komprímisiu polítika, konsénsu nasionál mak mobiliza nasaun tomak atu hamutuk hodi hare ba revolusaun edukasaun, hatur justisa iha nia fatin no harii, haburas kultura dame nian ”, tenik ho fiar husi kandidatu prezidente, Martinho Gusmão banhira entrevista ho jornalista sira hafoin kampaña ne’ebé hala’o iha kampu Tasi-Tolu, 09/03/2022.
Kandidatu husi partidu PUDD hatutan tan, iha komprimisiu polítika wainhira eleitu mak sei ajuda parlamentu nasionál no guvernu inklui tribunál sira hodi tane Timor Leste
”Wainhira ha’u sai eleitu bá prezidente repúblika mak ha’u sei ajuda parlamentu nasionál, guvernu inklui tribunál sira atu hametin fali airin-ha’at ne’e, hamutuk tane sae nasaun Timor Leste, ita nia uma tamba ne’e mak ha’u marka diferénsa ho kandidatura sira seluk”, deklara Nia.
Nia informa tan, Povu hakarak hadia edukasaun, povu hakarak lao tuir hikas justisa, povu hakarak hamoris kultura dame nian, nune’e nia garante manan iha elisaun ne’e.(Remata).
loading="lazy" />