G-News (Dili)- Ajensia Dezenvolvimentu Internasional Oxfam Koopera ho Asosiasaun Jornalista Timor Lorosae (AJTL) fo mídia Tour ba Jornalista sira atu kobertura mudansa Klimátika iha munisipiu Ermera no Rejiaun RAEOA.
Liuhosi Konferensia Imprensa, jerente ba assuntu Influensia Oxfam Adilson Da costa hateten, objetivu husi mídia Tour ne’e ne’ebé Oxfam Iha Timor Leste koopera ho AJTL hodi haruka jornalista sira halo Kobertura ba informasaun ne’ebé liga ba Mudansa Klimátika iha munisipiu sira.
” Iha Biban ne’e Oxfam Iha Timor Leste Servisu hamutuk ho AJTL hodi fasilita Jornalista sira atu halo kobertura ba informasaun sira ne’ebé liga ba mudansa klimatika ho nia efeitu liu-liu ba Komunidade sira prinsipalmente feto, ema ho defisiensia no labarik sira tamba dalabarak sai vulneravel liu” Informa Adilson Da Costa ba jornalista sira iha Hudi laran Segunda feira Nee (20-02-2023)
Jerente nee haktuir “Media Tour ne’e hanesan turismu ambiental ida atu fo konhesimentu ba Jornalista sira no membru organizasaun sosiedade Sivil inklui joven digital sira atu bele Explora no buka hatene informasaun sira iha Baze liu-liu iha areas ne’ebé alvu ba informasaun ba implementasaun mídia tour ida ne’e”, haktuir Jerente.
Iha tempu hanesan, Prezidente AJTL Zevonia Viera Konfirma, Mídia tour ne’e hanesan Estudu Kazu kona-ba Feto Ema ho difisiensia ne’ebé Vulnerável ba Impaktu husi Mudansa Klimatika” Media Tour Nlne’e hanesan Estudu kazu ba jornalista sira atu hare didiak kona ba Feto vulnerável Ema Ho difisiensia no labarik sira ne’ebé impaktu ba mudansa klimátika, espera katak fo espasu ba lian laek sira atu hato’o sira nia situasaun no preokupasaun ba Estadu atu nune’e buka solusaun ne’ebe diak bainhira hasoru iha situasaun krize mudansa Klimatika Global mos iha Timor Leste” Haforsa Zevonia
Tuir nia ” Media tour Ne’e ba Dala tolu ona ne’ebé Oxfam ho AJTL halo hanesan parte aktividade Mídia nian oinsa atu lori Jornalista sira ba iha Area Rural sira atu identifika isue sosial sira relasiona ho pillar Oxfam nia liga ho justisa klimatika, Ekonolómia no sosial ba iha Parlamentu Nasionáp hodi bele debate iha OJE kada Tinan” Haktuir Zevonia
Entertantu, Molok implementasaun Media tour nee Oxfam Serbisu hamutuk ho AJTL ho organizasaun Sosiedade Sivil sira inklui Governu organiza Workshop halo Mídia Brifieng hodi fo kontestu ba informasaun ne’ebé liga ho situasaun sira.
Jornalista : Asensiu
Editór Textu : Amito Qonusere Araújo
loading="lazy" />