G-NEWS (MANUFAHI) – Militante Partidu Istóriku Fretilin, ne’ebé lídera hosi Prezidente Francisco Guterres Lú-Olo no Sekretáriu-Jerál no Prezidente Troika Marí Bin Amude Alkatiri, afilia ona ba Partidu CNRT, hodi apoiu votus konfiansa ba Kay Rala Xanana Gusmão, nu’udar Prezidente Partidu CNRT, ho númeru sorteiu 12, iha Eleisaun Parlamentár, ne’ebé sei realiza iha loron 21 fulan Maiu tinan 2023.
Portavoz afiliantes Partidu FRETILIN Ângelo Amaral, hosi Aldeia Luak Suku Uma Kiik Postu esplika, hakilar viva ba dala hitu, ho nia signifika katak, viva Partidu ba dala tolu, no hakilar dala hat seluk ba Kay Rala Xanana Gusmão.
“Ohin Ha’u viva dala hitu. CNRT dala 3, Avo Nana ba dala hat. Signifika ita hanoin fali ba pasadu. Pasadu ne’ebé iha tinan 24 kotuk katak ita kuandu, Viva ba Avo Nana, katak vitória iha ita nia liman”, Portavoz ne’e ko’alia aberta.
Nia haktuir tán, Xanana Gusmão sei manan tán dala ida, manan maiória absoluta.
” Ohin ami nia afiliasaun, joven mak matenek ona, sira rasik mak deside sira nia an katak, avo Nana mak bele. Tanba saida, tanba votus ne’ebé durante ami fó ba partidu balun, ami nia votus la vale”, Portavoz aumenta tán.
Razaun afiliasaun ne’e akontese tanba votus ne’ebé depozita iha periódu eleisaun anterior ba partidu balun, ignora konfiansa afiliantes sira dehan, “Ha’u mai tur iha ne’e, Ha’u laos lori imi nia votus, tanba Ha’u iha kapasidade no matenek”. Deklarasaun hosi kuadrus Partidu balun ne’ebé hala’o servisu Estadu nian, soke joven sira nia fuan no mós laran, tanba ne’e mak Joven sira deside siea nia an rasik karak, diakliu fó otus ba ema ida ne’ebé presiza ita nia votus.
“Ita nia votus ida, ne’e determina ita nia nasaun nia vida, labele soe deit ita nia votus, hodi ida ne’e sira rasik mak deside. Ha’u nunka mais influênsia dehan ida ne’e mak diak, ida ne’e mak at”, Portavos ne’e hakotu nia intervensaun.
Jornalista : Ekipa G-News
Editór Testu : Amito Qonusere Araújo
loading="lazy" />