G-News (Dili) – Kinta Feira ne’e (20/10/2022) oras tuku 9:00 dáder, Ministériu Justisa liu husi Diresaun Terras Propriedade hamutuk ho Ekipa Saneamentu Munisípiu Dili, ne’ebé asegura husi Polísia Munisípiu Dili, sobu obrigatóriu Lutu ne’ebé didin ho kalen rai iha area Merkoni tasi ibun, husi Kompaña Zhong Quiang, iha halo fulan kotuk, iha suku Fatuhada-Dili.
Diretór Jerál Terras e Propriedade Lucas António Costa ba Jornalista G-News katak, Estadu fó ona karta notifikasaun ba Kompaña ne’e durante loron 30 maibé Kompaña ne’e la kumpri, tanba ne’e Estadu foti desizaun hodi halo asaun obrigatóriu sobu Lutu ho kalen ne’e.
” Ami fo tiha ona notifikasaun primeiru ho prazu trinta dias no segundu fo prazu Dez dias maibé sira la kumpri tanba ne’e mak ami ohin tun diretamente sobu tiha Lutu ne’e, rai ne’e estadu, tanba ne’e ami asegura estadu no tuir Lei karik husi parte ne’ebé mak la kontente ho prosesu ne’e bele rekere ba tribunal”, Nia konta.
Enkuantu iha prosesu sobu Lutu obrigatóriu ne’e, naín ba Kompaña la Marka presenza tanba okupadu ho atividade seluk.
Jornalista : Alves Pinto
Editór : Amito Qonusere Araújo
loading="lazy" />