G-RTV NEWS ( 29/03/2021) : Segunda Feira ne’e (29/03), iha óras 8:50 dader ÓTL, Líder Nasionál Kayrala Xanana Gusmão ho kareta Marka Prado Kakadu (A.15-519), hakat ba iha Edifísiu Prokuradór Jerál Repúblika, Colmera, Dili. Tuir infomasaun ne’ebé G-RTV.COM assesu katak Xanana Gusmão nia prezensa iha PJR atu ba hatan notifikasaun husi Ministériu Públiku ( MP ) hanesan Testemuña relasiona ho keixa ne’ebé hato’o husi Líder Nasionál Marí Alkatiri.
Kuaze minutu 40 iha edifísiu Prokuradór Jerál Laran, Eis-Prezidente Xanana Gusmão sai mai hodi hakilar ba apoiante sira ne’ebé iha areadores Edifísiu Sentrál Prokuradór nian atu idak-idak fahe malu no Líder Nasionál ne’e la halo klarifikasaun ruma ho média, sai mai diretamente sae kareta no liu diresaun Bebora.
Entertantu, Líder karrísmatiku kayrala Xanana hetan notifikasaun ne’e tamba relasiona ho Keixa tolu ne’ebé hato’o husi SEKJEN Partidu Fretilin Mari Alkatiri ( MA) ba MP no halo ona deklarasaun iha MP iha loron 18/01/2021 liu ba, no ho deklarasaun ohin, ‘’ iha possibilidade’’ dalan ba Líder Nasionál na’in rua ne’e hasoru malu iha tribunál hahu nakloke.
Tuir Observasaun jerál iha terrenu nota katak , antes óras ne’ebé líder Nasionál ne’e to’o iha fatin, Seguransa PNTL husi Unidade Tránzitu, COE, BOP no Intelijénsia, serku ona area Edifísiu sentrál PJR no apoiuante husi Líder Karismátiku hakonu jardím kolmera iha edifisiu PJR kuaze liu ema na’in 150 ho kaos mutin ne’ebé hakerek Xanana ho objetivu atu hato’o solidariedade.
Jornalista : Eckoj.
Editór : Arménio.
loading="lazy" />