G-RTV NEWS (28/03/2021, Dominggo Ramos) : Atualidade husi média Indonézia liu husi média CNN Indonézia konfirma katak Bomba ne’ebé rahun iha area Katedrál Sagrado Coração de Jesus Makassar hanesan ‘’Bomba Suicida’’ ka iha lian indonézia ‘’Bom Bunuh Diri’’, ‘’deskonfia’’ atu harahun Katedrál Makassar.
Konfirmasaun husi média CNN Indonézia ida ne’e, publika iha loron 28/03/2021 iha óras Indonézia 11:18 (WIB), fontes ne’ebé fo informasaun katak akontesimentu ida ne’e hanesan ‘’Bomba Suicida’’ mai husi parte Polísia Indonézia ka POLRI.
Tuir relatóriu husi Polísia Indonézia husi Sulawesi nian relata katak :
‘’ Akontesimentu ne’e loos, akontese duni iha óras 10:28, deskonfia katak ne’e Bomba Suicida’’.
Oras ne’e dadaun, Polísia sei halo investigasaun no sei fo sai autór terrorísta sira konabá akontesimentu refere. Polísia hala’o ona seguransa máxima iha area parte Katedrál. Igreja Katedrál Makassar lokaliza iha rua RA Kartini Makassar, Sulawesi parte Súl , Indonézia.
Informasau seluk ne’ebé G-RTV assesu iha média CNN katak Bomba ne’ebé rahun, la hamate ema maibé halo kanek sarani sira ne’ebé iha area akontesimentu no autoriedade husu ba ema hotu atu labele halo espekulasaun oi-oin, kazu ida ne sei fo fiar ba polísia atu responsabilíza Investigasaun.
Fontes : CNN Indonesia.
Editór : Arménio.
loading="lazy" />