G-RTV NEWS : Hafoin Públiku liu-liu Estudante Sira ne’ebé hela iha Uma Aluga ( KOS) iha Kapitál Dili preokupa konabá nessesidade Bázika durante períodu Serka Sanitária no Konfinamentu ba territóriu Munisípiu Dili, nune’e iha Loron 21 Fulan Marsu Tinan 2021, Guvernu hahu Distribui Fos ba Estudante sira ne’ebé rezistadu hela iha Kos.
‘’ Tamba Serka Sanitária, Ina-Aman sira labele fo apoiu ba Estudante, nune’e Guvernu fo apoiu ba estudante sira ne’ebé hela Iha Kos, ho apoiu Fos ba Sira’’ Haktuir Armanda Berta hafoin Loke Serimónia Distribuisaun ajuda Umanitária ba Estudante sira, Iha Universidade DIT, Munisípiu Dili ( 21/03/2021).
Vise-Primeira Ministra ne’e Klarifika liu tan katak ‘’ Ita La mate ba COVID-19 maibé mate ba Hamlaha, ne’e ema hateten ita nune’e, Guvernu halo intervensaun Ba Estudante sira ne’e hotu’’.
Vise-PM no MSSI fo sai tan katak, totál ba estudante benefisiáriu sira hamutuk 5586 no ajudu ne’ebé Guvernu apoia, ba de’it períodu Serka Sanitária iha Munisípiu Dili.
Iha Fatin Hanesan, Reitór DIT, Dr. Álvaro M. Amaral, PhD, hateten katak, Kada Estudante sira sei hetan Fos Saku ida :
‘’ Kada Estudante Sira Sei Hetan Fos Saku Ida, durante prossesu aprendijazem iha Eskola liu husi online, no benefisiáriu sira husi DIT hamutuk 383’’.
Bainhira hatan ba Prossesu Distribuisaun, Fontes ne’e esklarese katak kada estudante mak sei mai foti iha eskola.
Tuir Planu Guvernu sei fo apoiu umanitáriu ne’e ba estudante ne’ebé foin lalais rezistu liu husi MSSI no sei Distribui liu husi kada Universidade ka Institutu Superior Sira Iha Dili no Munisípiu hahu’u Dominggu Ohin.
Jornalista : Eckoj Mressy.
Editór : Arménio.
loading="lazy" />