G-RTV NEWS (27/03/2021) : Informasaun ne’ebé viral iha média sosiál konabá atu taka atividade tomak iha sidade Dili ne’ebé publika liu husi aplikasaun WhatsApp iha loron 26/03/2021, ne’e Hoax.
Iha Infomasaun ne’e, hateten katak parte PNTL husi Unidade UEP no Komandu PNTL Munisípiu Dili, sei hala’o operasaun ba atividade sira inklui movimentasaun ema nian iha sidade Dili, atu labele la’o ba mai no loja sira taka hotu.
‘’Órdem verbál S.E Komadante UEP iha óras 20:00 kalan, bazeia ba koordenasaun ho Komadante Komandu PNTL Munisípiu Dili, aban ( 27/03 ) iha óras 07:30 ÓTL, Halo Operasaun iha kapitál Dili no Loja sira sei taka hotu ‘’ lian husi Mensájem badak ne’ebé sai víral iha média sosiál hodi halo pániku.
Hafoin mensajém badak refere sai, liu tiha Óras rua, parte guvernu liu husi Sekretária Estadu Komunikasaun Sosiál ( SEKOMS ) responde kedas katak Infomasaun refere, la loos ka Hoax.
G-RTV NEWS assesu resposta husi SEKOMS ne’e liu husi pájina Offisiál Facebook SEKOMS ho ID : Secretário de Estado Para a Comunicação Social.
Laós de’it parte SEKOMS mak intervem maibé G-RTV NEWS assesu moos, klarifikasaun husi Komisáriu Jerál PNTL liu husi nia Facebook offisiál ho ID : Faustino da Costa, klarifika katak infomasaun ne’e HOAX ka la loos.
Haktuir iha publikasaun KOMJER PNTL nian katak :
‘’ Kalan di’ák ba ita hotu, hodi Comando PNTL nia naran hakarak klarifika ba publiku katak informasaun nebe sirkula publikamente konaba UEP hamutuk ho Dili atu halo operasaun hodi hapara aktividade hahu aban 27 marsu, ida nee LALOS no husi publiku atu halao aktividade baseia ba resolusaun nebe Governo fo sai no oras nee vigor hela. Obrigado wain e dala ida informasaun nebe espalha nee HOAX.’’
Tuir observasaun Jerál G-RTV.COM , iha de’it óras ida publikasaun konabá atividade operasaun ne’e sai, virál kedas iha MEDSOS no hetan reasaun pániku husi komunidade sira liu-liu sira ne’ebé mak iha Kapitál Dili.
Jornalista : Arménio.
Editór : Domingos Moreira.
loading="lazy" />