G-NEWS (DILI) – Partidu Demokráta Kristaun (PDC_sigla Portuges) ho númeru sorteiu 16, bainhira hetan fiar hosi Povu, sei implementa programa sira ne’ebé fó benefísiu ba Povu.
Programa sira ne’ebé atu implementa mak halais dezenvolvimentu infra-estrutura hosi suku no aldeia. Dezenvolvimentu rekursu umanu saudavel no kualidade.
Alende ne’e, sei moderniza agrikultura no turismu no hamenus importasaun. Nune’e mós sei simplika burokrásia no halais desentralizasaun ba baze.
Partidu PDC mós sei hamosu Juventude éroi ba empregu no dezenvolvimentu iha área rurais. Programa prioritáriu seluk mak atu aloka orsamentu 100 to’o 250 mil ba suku ida-idak kada tinan. Enkuantu PDC mós sei hasai lei pensaun vitalísia no imunidade líder polítiku.
Partidu ho númeru sorteiu 16 ne’e mós sei hasae salariu ba funsionáriu, traballador sira no hatun saláriu ba polítiku sira. Valoriza no rekonhese restaurador independênsia, votante ba ukun an iha 1999, veteranu no idozu sira.
Programa importante selul ne’ebé PDC sei implementa iha nia governasaun mak sei asegura estabilidade, demokrásia, dezenvolvimentu no justisa sosiál.
Jornalista : Ekipa G-New
Editór Testu : Amito Qonusere Araújo
loading="lazy" />