G-RTV News (07/04/2021) : VIII Guvernu Konstituisionál ne’ebé lider husi Primeiru Ministru (PM) Taur Matan Ruak, ohin (07/04) offisiálmente lansa imunizasaun vasina Astrazaneka ba prevensaun Covid-19 iha Timor Leste.
Lansamentu nasionál vasinasaun ba prevensaun Covid-19, hala’o iha sentru saúde Formosa, Munisípiu Dili ne’ebé hetan pastisipasaun máximu husi membru Guvernu, líder relizioju, korpu diplomata, líder militar no PNTL no hetan akompanhemtu husi UNICEF no WHO iha Timor Leste.
Iha diskursu, Primeiru Ministru hateten katak ‘’ Agradese ba pastisipasaun no kontribuisaun WHO, ajénsia Internasionál, Korpu diplomata sira, ne’ebé servisu maka’as atu evita Covid-19 iha Timor Leste liu husi vasinasaun ne’ebé Iha’’ .
Konabá vasinasaun, Eis-Prezidente RDTL ne’e fo nia esplikasaun katak :
‘’ La iha ema ida seidauk livre bainhira ita hotu-hotu seidauk livre husi Covid-19, dalan ida mak vasina, Timor Leste difini meta ida katak iha rohan tinan ida ne’e, bele ona vasina sidadaun sira hotu’’.
Orasamentu ne’ebé sei aloka ba vasinasaun, Tuir Primeiru Ministru katak liu husi Orsamentu ratifikasaun sei prevé 35 Milhoes :
‘’ Liu husi orsamentu ratifikativu, sei prevé 35 milhoes, nune’e husu ba prezidente komissaun interministeriál ba Covid-19 ne’ebé lidera husi Vise-Primeira Ministra atu servisu ho parseiru sira, atu nune’e Timor Leste atinji nia meta’’ haktenik Nia.
Antes taka diskursu offisiál, Eis lideransa F-FDTL ne’ebé akompanha husi nia espoza Dona Isabél iha serimónia abertura offisiál ida ne’e, deklara katak Sai ema dahuluk ne’ebé simu Vasina ida ne’e :
‘’ ha’u oferese ha’u nia-an atu sai ema dahuluk ne’ebé simu vasina ida ne’e, no husu Prezidente Repúblika karik médiku sira autoriza atu simu vasina, ha’u simu uluk no PR simu ida ikus liu atu taka, maske Dona Isabel preokupa tamba iha mundu balun simu vasina ne’e tenke lakon vida ( Mate), maibé ho Dona Isabel nia prezensa atu nune’e Taur Matan Ruak labele iha sinál La di’ák husi Vasinasaun’’. Haktuir Taur Matan Ruak.
Tuir observasaun G-RTV.Com iha terrenu katak hafoin Primeiru Ministru loke no sai ema númeru dahuluk simu vasina iha Timor Leste, tuir mai, simu vasina husi Prezidente PN, prezidente Tribunál Rekursu no mós membru guvernu sira kuaze ema na’in 20, Komadante Jerál PNTL, Eis-Prezidente José Ramos Horta, Membru Parlamentu Nasionál sira ne’ebé marka prezensa, funsionáriu Saúde, líder relijiaun Mulsumanu no Protestante no seluk-seluk tan.
Tuir planu, Vasina Astrazaneka ho 24 Mill Dozes ne’e sei vasina uluk ba linha frente sira no sira ne’ebé presija duni tuir kritériu husi MS no OMS ba faze dahuluk ida ne’e.
Jornalista : Julio Paixão.
Editór : Arménio.
‘’Ita Situasaun Pandemia Covid-19 no Inundasaun ne’ebé afeta ba Timor-oan sira liu-liu iha kapitál Dili, husi Família bo’ot Kompanhia GARDAMOR Hato’o Solidariedade ba família afetadu sira no husu katak ho orasaun no korájem tomak ita hotu sei liu situasaun difísil hirak ne’e’’
loading="lazy" />