PNTL Preparadu Bá Selebrasaun Restaurasaun Independénsia

Jornalísta : Arménio //

G-RTV.com (Dili) : Relasiona ho selebrasaun loron restaurasaun independénsia bá dala-20 iha loron 19-20 fulan ida ne’e no simu posse prezidente repúblika períodu 2022-2027, Polísia nasionál timor Leste (PNTL) hala’o enkontru preparasaun hodi hasoru eventu bo’ot rua.

‘’Ohin PNTL hala’o enkontru avaliasaun hodi identifika problema  sira atu hala’o preparasaun ne’ebé di’ák liu hodi hasoru eventu ne’ebé ita sei hasoru iha fulan maiu ne’e, iha identifikasaun mak problema transporte no kolokasaun membru bá VVIP sira,’’ Dehan Komadante Jerál PNTL, Komissáriu Faustino Da Costa, iha Timor Plaza, Ohin, 12/05/2022.

Komissáriu ne’e fortifika tan, ‘’Seidauk iha serteja bá kolokasaun membru sira, maibé transporte oras ne’e dadaun ministériu no PNTL halo ona koordenasaun hodi aluga kareta hamutuk unidade 40 ba operasaun hahu iha loron 15-23 fulan ida ne’e,’’ Fortifika nia.

Tuir Komissáriu, PNTL garante seguransa máximu ba alta entidade sira ne’ebé sei partisipa iha eventu ne’e no situasaun jerál iha territóriu nasionál.

(Remata).