G-RTV News (25/05/2021): ‘’Tamba pulsa ba Internet atu partisipa ativu iha eskola online la iha, obriga ami tenke fahe tempu entre eskola online no fa’an sasan’’.
Situasaun Covid-19 ne’ebé hamosu regra oi-oin ba prevensaun nian, obriga moos estudante universitáriu ne’ebé hela iha kapitál Dili, tenke dezaraska rasik hodi sustenta moris, liu-liu konabá pulsa atu partisipa eskola online.
Estudante Universitáriu ho naran Domingas da Silva Gonsalves (23), esplika konabá oinsa atu hetan pulsa hodi fasilita atu assesu ba eskola online.
‘’Tamba pulsa ba Internet atu partisipa ativu iha eskola online la iha, obriga ami tenke fahe tempu entre eskola online no fa’an sasan’’. Espressa estudante ne’e iha area postu entrada Tasi-Tolu.
Universitáriu semester 7 iha Departamentu Komunikasaun Sosiál fotifika, atividade fa’an pulsa no sigarru, la’ós sustenta de’it ba eskola online maibé moos fam’ilia.
‘’Atividade ne’e ha’u halo la’ós atu solusiona de’it eskola online maibé moos atu sustenta família, tamba Pai ho Mãe la servisu, obriga ami tenke la’o nune’e’. haktuir estudante Universidade Nasionál timor Lorosa’e (UNTL).
Atu Fahe Tempu ba eskola no fa’an sasan, Postu Adminitrativu Atsabe (Ermera) ho hamnasa, hateten dalaruma para tamba eskola full husi dadér to’o loraik.
‘’Todan iha fahe tempu, maibé hanesan estudante, ha’u tenke esforsu atu fahe ha’u nia tempu ho di’ák, dalaruma para fa’an sasan tamba eskola full, husi dadér to’o loraik’. katak fontes.
Iha terrenu, G-RTV.com nota, feto-oan ne’e la mo’e no nakonu ho espíritu foinsa’e ne’ebé lakohi depende ba ema ida, fiar –an nafatin la’o haleu hahu husi nia hela fatin aldeia 12 de Outubro (Komoro) la’o tuir dalan to’o postu entrada Iha Tasi-Tolu hodi faan nia sigarru no pulsa.
Entertantu, liu husi deklarasaun husi Ministériu Ensinu Superior, Siénsia no Kultura, iha Semana balun liu bá, deklara katak sei ajuda pulsa ba universitáriu sira atu assesu ba eskola online.
Jornalista: Arménio.
loading="lazy" />