G-RTV.com (DILI): Polémika entre Fakuldade Siénsia Sosiais (FCS-Sigla Português) no Fakuldade Siénsia Saúde no Medisa, husi Universidade Nasionál Timor Lorosa’e (UNTL) konabá edifísiun foun husi Fakuldade Medisina , ne’ebé harii iha area FCS.
realasiona ho ida ne’e, Ministériu Ensinu Superior, Siénsia no Kultura (MESSK) konfirma katak situasaun ne’e, entrega kompeténsia bá Reitór UNTL ho nia estrutura tambá prezensa guvernu nian atu fasilita fasilidade infrastutura.
”Polémika ida ne’e, kompenténsia Reitór ho nia estrutura atu rezolve, prezensa guvernu liu husi MESSK, atu fasilita de’it infrastutura ba instituisaun sira hotu, atu garante kualidade’’ dehan MESSK, Dr. Longuinhos dos Santos hafoin remata Serimónia entrega apoiu finanseiru ba kontrusaun Uma-Lulik iha edifísiu Sekretáriu Estadu Arte no Kultura, Sexta ne’e.
Guvernante ne’e moos, konsidera, assuntu polémika ida ne’e, ki’ik no problema internál, nune’e presija rezolve uma-laran.
‘’ Assuntu ne’e ki’ik no presija de’it rezolve internál, ha’u fiar Reitór bele rezolve kestaun ne’e’’. deklara Ministru ne’e.
Antes ne’e, iha loron 07/06, G-RTV.com publika moos, MESSK hamutuk ho estrutura UNTL, inagura edifísiu foun ba aula nian husi fakuldade Medisina-UNTL, andar 2 ho sala hamutuk 18, ne’ebé lokaliza iha area administrasaun Fakuldade Siénsia Sosiais.
Hafoin remata inagurasaun, hetan kedas asaun protestu husi estrutura fakuldade FCS no estudante konabá direitu utilijasaun ba edifísiu foun refere ho razaun statutu edifísiu no utilijasaun sala ba aula la klaru, no FCS ezizé ba estrutura Universidade atu bele foo espasu ruma ba sira tambá FCS rasik sala ba Aula nian menus tebes.
Iha publikasaun balun husi estrutura fakuldade FCS iha média sosiál ne’ebé G-RTV.com assesu, lamenta ho kontrusaun edifísiu foun ne’e, razaun mak la kria ijíene diak ba ambiente sala dosente no sala ba aula balun FCS nian, tambá halo nia fosu (foer fatin) no bee dalan ba udan nian, tama mai sala dosente no aula balun.
Jornalista : Arménio.
loading="lazy" />