G-NEWS (VIQUEQUE) – Ema deskonhesidu tuda militante Partidu CNRT ne’ebé halo konvoiu hosi Munisípiu Viqueque atu fila ba Postu Watulari no Watucarbau hafoin partisipa kampanha Partidu CNRT nian.
Fontes G-News iha Makadiki Viqueque Januario informa, akontesimentu ne’e akontese hafoin militante partidu CNRT hosi Postu Watulari no Watucarbau fila hosi Kampanha Partidu nian iha Viqueque villa.
” Iha Watulari sa, área Makadiki nian. Ohin kalan ne’e. Tanba ne’e mak Polísia Eskuadra Watulari tiru sae, sinal deit. Sira hanesan subar mak tuda, mak Polísia tiru sae deit, mais iha ne’e aman hela”, Januario informa.
Tuir Januariu Kareta ne’ebé tula militante Partidu CNRT hosi Postu Watulari hamutuk 21, no Watucarbau hamutuk 25, ne’ebé foin fila hosi Viqueque Villa.
Entertantu, seguransa iha Postu Watulari lao kontroladu, tanba hetan seguransa másimu hosi autoridade segurans.
To’o informasaun ne’e fó sai, G-News seidauk hetan konfirmasaun hosi Komandu Polísia Postu Watulari, Munisípiu Viqueque.
Antes ne’e, Komandu-Jerál PNTL alerta ona katak, sei la tolera sidadaun sira ne’ebé tenta atu disturbu ordem públiku, durante periódu kampanha eleitóral, eleisaun parlamentár to’o kontajen de votus.
Jornalista : Ekipa G-News
Editór Testu : Amito Qonusere Araújo
loading="lazy" />