G-RTV.com (Dili) : Udan ho intensidade-ás ne’ebé akontese iha kuarta ne’e (08/11), hamosu inundasaun iha Aldeia Moru, Suku Parlamento, Postu-Administrativu Lautém villa, Munisípiu Lautém.
Husi rezultadu inundasaun ne’ebé akontese, estraga moos ponte ne’ebé pertense bá suku Parlamento, ne’ebé liga entre postu Lautém Villa bá suku tolu mak hanesan suku Parlamento, Suku Pairara no Mahina I.
‘’Horseik kuarta feira, udan bo’ot ne’ebé akontese iha ami nia suku, rezultadu mak ponte naksobu, iha area laulau-lokot, hanesan sidadaun ne’ebé pertense bá suku Parlamentu, triste ho situasaun ne’e , fiar katak parte kompetente bele atende lalais’’, haktuir sidadaun husi suku Parlamentu, Job Dos Santos, liu husi telefone, kuarta ne’e.
Hafoin akontesimentu, parte PNTL eskuadra Postu Lautém to’o kedas fatin hodi observa no bandu atu movimentu transporte ne’ebé halai iha diresaun refere, atu buka dalan alternativu seluk.
‘’ Bainhira akontesimentu, PNTL to’o kedas fatin hodi observa no bandu kedas sidadaun sira ne’ebé utilija transporte ne’ebé assesu bá dalan refere, tenke buka alternativu seluk ne’ebé permite atu bele to’o iha objetivu viázem’’. Reforsa Job.
Tuir Obervasaun, Udan komesa bo’ot ba bebeik iha parte loraik, kuaze óras haat, iha tuku 17:00 loraik, ÓTL bá leten inundasaun komesa mosu, no rezulta ponte ne’ebé foin rehabilita iha tinan 2019 no remata iha 2020 naksobu kuaze metro 20 no hamonu moos has-hun ida.
Jornalista : Arménio.
Editór : Ekipa G-RTV.
loading="lazy" />