G-RTV.com (DILI) : Partisipa Iha Serimónia toma posse bá estrutura nasionál no munisípiu husi Junta Força Política Xanana-Ramos Horta (JFP (XA-RA)) ne’ebé hala’o iha salaun katedrál Dili, Sexta ne’e, Ramos Horta hein hela novidade husi Xanana.
Líder Nasionál José Ramos-Horta hato’o deklarasaun katak ‘’Ohin no aban iha ona novidade husi Xanana Gusmão’’ atu kandidata-an ba Prezidente Repúbika períodu 2022-2027.
Ramos Horta moos hato’o nia dúvida konabá toma posse husi Prezidente foun ne’ebé atu mosu ho pergunta ida dehan ‘’se mak atu fo toma posse ?’’ no interroga lejitimidade guvernu ne’ebé lidera husi Taur Matan Ruak.
Além ida ne’e, Rogerio Tiago Lobato ne’ebé marka moo prezensa iha serimónia refere, fo esperansa : ‘’Ami jerasaun 75, ami nafatin hamutuk atu lori esperansa foun ba Timor Leste, labele husu ona povu atu pasensia maibé agora to’o ona, tenke iha ona benefisiu ba independénsia’’. tenik nia.
Tuir informasaun ne’ebé G-RTV.com assesu, sexta-feira ohin, Prezidente Repúblika Franscisco Guterres Luolo sei dekrata data eleisaun no atuál prezidente ne’e moos sei deklara nia kandidatura iha loron balun tuir mai.
Jornalista : Arménio.
Editór : Ekipa G-RTV.com
loading="lazy" />