Jornalísta : Arménio //
G-RTV.com (Dili) : Planu Guvernu liu husi Sekretáriu Estadu Juventude no Desportu (SEJD) ajusta ona planu ba orsamentu retifikatikvu 2022 ne’ebe atu harii sede ba arte marsias no rituais (GAM) iha Timor-Leste.
Nune’e, tuir akademista husi UNTL, programa ne’e la importane, prefere haree fali planu ne’e hodi investe fali bá setór edukasaun ne’ebé oras ne’e kondisaun fíziku eskola sira barak mak at.
‘’Hanesan ema akadémiku ne’ebé involve iha setór edukasaun hau prefere guvernu hare fila-fali planu ida ne’e, di’ák liu uja osan ne’e atu hadia setór edukasaun liu-liu ensinu báziku sira ne’ebé nia kondisaun at tebes, duké harii sede bá arte marsiais,’’ Dehan Reitór UNTL, João Martins, Iha Faról, 11/05/2022.
Nia argumentu liu tan, ‘’Arte Marsiais normalmente tuir lolos sira mak fó nia kontribui bá nasaun, lori osan kontribuisaun hodi harii sira nia sede, ne’e mak ha’u nia opiniaun,’’ Argumenta akdemista ne’e.
Reitór ne’e mós konsidera arte marsiais importante maibé nia prefere liu hare uluk problema edukasaun iha Timor ne’ebé oras ne’e eskola balun nia kondisaun fíziku át tebes.
VIII Guvernu ne’ebé lidera husi Taur Matan Ruak preve orsamentu ho montante milliaun $2,6 no oras ne’e diskute ona iha parlamentu nasionál.
(REMATA).
loading="lazy" />