G-RTV News : Guvernu Timor Leste liu husi Ministériu Obras Públikas (MOP), hala’o lansamentu ba projetu Estrada Rurál ba Dezenvolvimentu (ERD) ne’ebé sei hala’o iha munisípiu Ainaru, Baukau, Dili,Manatutu no Viqueque.
Tenderizasaun ne’ebé loke husi MOP liu husi Publikasaun Diresaun Nasionál Aprovezionamentu iha semana balun liu bá, konsege hili kompañia Lokál hamutuk na’in 22, iha area implementasaun projetu ne’ebé diferente.
‘’ Ho Selebrasaun akordu ohin, Fó ona responsabilidade ba ami atu hala’o ami nia kna’ar, oinsa atu implementa projetu tuir prosedimentu legál ne’ebé hakerek iha akordu ba implementasaun Nian’’. Hateten diretóra kompañia Rozi Construction, Rosa Maria Ornai hanesan manan na’in ida ba konkursu projetu ERD, Iha Salaun Novu Turrízmu, Munisípiu Dili.(10/06).
Manan Na’in ne’e, fó moos nia garantia ba implementasaun programa ERD iha baze liu-liu hodi hatudu hanesan feto Timor-oan ne’ebé bele kontribui ba Dezenvolvimentu.
‘’Hanesan kompañia Lokál Husi Baucau, ne’ebé lidera husi Feto, ami ttau prioridade hodi garante tebes nia kulidade atu hatudu hanesan feto Timor-oan ne’ebé bele kontribui ba Dezenvolviment’’. Haktuir diretora ne’e.
Pakote sestrada ne’ebé responsabilija husi Rozi, ho nia kilómetru hamutuk rua resin no montante ba projetu refere hamutuk rihun ne’en resin.
‘’Rozi Contruction hetan fiar hodi responsabiliza pakote estrada rua ho nia kilómetru 2 resin , no montante orsamentu hamutuk Rihun Ne’en Resin’’. Fontes ne’e konfirma.
Kompañia Rozi hanesan Kompañia ida entre Kompañia sira seluk ne’ebé sai manan na’in ba konkursu públiku husi MOP no sei implementa iha munisípiu Baukau, Suku Loilubu ho nia durasaun tinan ida.
Entertantu, projetu ERD hetan suporta moos husi Guvernu Austrália liu husi Internasionál Labour Organization (ILO)
konabá planu mestre no dezeña estrada rurál iha territóriu nasionál ho nia orsamentu liu rihun 62 Dolár Austrália ni’an ne’ebé hahu iha tinan 2012-2021.
Jornalista : Arménio.
loading="lazy" />