Jornalísta : Arménio //
G-RTV.com (Dili) : Assosiasaun Turízmu Relijiozu Timor Leste (ATR-TL) hamutuk ho líder nasionál Kay Rala Xanana Gusmão ho ekipa, tempu badak sei organiza kompetisaun Taxa Avô Nana bá modalidade Korál no Vokál Group.
‘’Relasiona ho aniversáriu líder nasionál Kay Rala Xanana Gusmão bá dala-76, ami hala’o atividade kompetisaun ida ne’e hanesan inísiu husi kooperasaun ba modalidade korál no vokál group, hodi hare telentu jóvem sira nian,’’ Dehan Prezidente ART-TL, Pe. Ângelo Salsinha iha serimónia lansamentu kompetisaun ne’ebé hala’o iha Otél Novu-Turízmu, Tersa-Feira ohin, 05/07/2022.
Prezidente ATR-TL ne’e esklarese liu tan, kompetisaun refere sei hala’o de’it iha Dili ne’ebé sei fó oportunidade ba ensinu sekundáriu no relijiaun oi-oin.
‘’Kompetisaun ida ne’e ita sei hala’o de’it iha Dili, Vokál Group ne’e dedika de’it ba ensinu sekundáriu sira iha Dili laran maibé korál ba ema hotu inklui komunidade relijiaun minoria (Islam, IPTL, Budha no Sst) seluk iha Dili Laran,’’ Esklarese Nia.
Konabá Prémiu, atuál reitór semináriu menór Balide ne’e informa liu tan, manan na’in sira sei hetan taxa inklui orsamentu husi $750 to’o $1500 no setifikadu.
Kategoria múzika, iha obrigatóriu ida no eskolla nian ida durante aprezentasaun, no data inskrisaun inklui kritériu sira sei fó sai iha tempu badak husi komissaun organizadóra.
Iha fatin hanesan, Francisco Kalbuadi Lay ne’ebé reprezenta ekipa Avô Nana nu’udár inisiadór no patrosinadór esplika, ‘’Atividade ne’e atu motiva jóvem no estudante sira husi reliziaun oi-oin hafoin Covid-19 ida ne’e, nune’e ami sente ónra tebes bele servisu hamutuk ho ATR-TL no bá futuru sei servisu hamutuk atu organiza liu tan atividade Desportu no kulturál,’’ Kalbuadi esplika.
(Remata)
loading="lazy" />