Jornalísta : Arménio //
G-RTV.Com (Lautém) : Postu Adminitrativu (PA) Lore nu’udár postu foun ne’ebé foin hamri’ik iha fulan Janeiru 2022 liu bá, lokaliza iha munisípiu Lautém, to’o oras ne’e seidauk iha edifísiu ba membru Polísia Nasionál Timor Leste (PNTL) atu hala’o kna’ar no provizóriamente ‘’numpang’’ (Okupa), Kuartél komandu munisipál.
‘’Komesa fulan Jeneiru 2022, ita ezíste ona komandu eskuadra PA Lore, tambá de’it edifísiu própiu ba komandu eskuadra seidauk iha, provizóriamente instala hela fatin balun iha Kuartél komandu munisípiu Lautém,’’ Dehan Komadante PNTL Munisípiu Lautém, Superintendente Polísia, Antonio Rego Fernandes, foin lalais ne’e.
Komadante ne’e afirma liu tan, ‘’Ba oin, depende ba insitutisaun, tambá PNTL sempre prontu ba kualkér situasaun no fatin, ami hein nafatin desijaun husi komandu jerál hodi halo konstrusaun,’’ Afirma nia.
Provizoriamente membru PNTL ne’ebé destaka iha eskuadra Lore hamutuk na’in 3 no tuir planu, sei aumenta membru bainhira iha ona edifísiu própiu.
Membru PNTL efetivu ne’ebé oras ne’e dadaun hala’o kna’ár iha munisípiu Lautém hamutuk 147 hodi fahe mos bá eskudra hamutuk 6 iha postu administrativu ne’ebé ezíste iha munisípiu Lautém.
(REMATA).
loading="lazy" />