Selebra Loron Mundiál Ai-Han Seguru, MS Realiza Feira Hodi Fó Hanoin Bá Konsumidór

Jornalísta : Amar Belo //

G-RTV.com (Dili) :  Iha Loron 7 Fulan Juñu Hanesan Loron Mundiál Aihan Seguru Ba Saúde Nune’e Ministériu Saúde (MS) Liu Husi Departamentu Nutrisaun ohin (06-06) realiza feira atu Fó Hanoin Nafatin Ba Komsumidore hodi Kaer Metin Ba Pontus Lima  ne’ebé importante Hanesan Fase Liman Molok Prepara Hahan, Haketak Hahan Matak No Hahan Tasak, Tein Halo Tasak Didiak (Liu-Liu Na’an), Rai Hahan Ne’ebé Iha Temperatura Seguru, Uza Bee Nebe Mos No Hili Hahan Nebe Fresku. 

Tuir Diretór Jerál MS Interinu Nilton do Carmo da Silva hateten expozisaun ne’e planu estratejia ne’ebé iha Ministeriu Saúde hola parte iha departamentu nutrisaun husi 2022 too 2026 atu oinsa asegura hahan ne’ebé seguru ba konsumidores no ba sira ne’ebé mak prepara hahan.

“ Ne’e hola parte planu estratejia husi parte departamentu nutrisaun nian 2022 ate 2026  ne’ebé mak ita bele oinsa mak MS nia papel bele asegura hahan ne’ebé seguru ba ita nia konsumidores sira nomos ba sira nebe prepara hahan.” Hateten Nilton ba jornalista sira iha fatin feira largo bidau lecidere, Dili, Segunda Feira, 06/06/2022.

Iha fatin hanesan xefe seksaun laboratoriu Aifaesa Armindo fernandes mos konfirma konaba ai-han seguru tenki aihan ne’ebé ho kualidade no hare kondisaun ijiene atu nune bele seguru ba konsumidores sira.

“Ita koalia kona ba aihan seguru ita presija aihan ne’ebé ho kualidade nomos hare kondisaun ijiene atu nune’e fó seguru ba konsumidores tamba aihan seguru ne’e diak liu ba ita nia saúde,” Armindo konfirma

Xefe laboratoriu ne’e argumenta aihan seguru ne’e lao’ós hola parte de’it ba ministeriu sira ne’ebé kompetensia maibé hanesan konsumidores ida, ita hotu responsabilidade atu kontrolu hodi nune’e fó energia ne’ebé di’ák ba ita nia isin.

Iha tempu hanesan Reprezentasaun WHO iha Timor Leste, Arvind Mathur hateten,” Feira aihan mundiál ida ne’e nu’udár oportunidade atu atu fahe informasaun ba ema hotu kona ba saida mak aihan seguru tamba ita hatene katak laiha nutrisaun seguransa alimentar la ho aihan seguru nu’udár, tambá ne’e WHO kontenti tebes atu Parseria hamutuk Ministeriu Saúde hodi komemora atu bolu atensaun ba ema hotu kona ba saida mak aihan seguru ne’e nia importánsia ,” Arvind Mattur Afirma

Tuir nia observasaun aihan seguru iha timor leste sempre iha opurtunidade hadía maibé presija serbisu maka’as atu garante aihan ne’ebé ita konsumu hahu husi kuda too ba iha meza.

Apoiu feira ne’e mai husi Ministeriu Saude, Ministeriu Turízmu no Komérsiu No Indústria, Ministeriu Agrikultura no Peskas, World Health Organization (WHO), Food and Agriculture organization Of The United Nations, World Food Programme (WFP), Mercy Corps no NGO Tane Konsumidores no partisipa husi estudantes sira.

(REMATA).

Editór : Arménio.