Selebra Tinan Moris Ba Dala-21, MARVI Lansa Nia Múzika Rasik

Jornalista : Arménio //

G-RTV.com (Dili) : Kantora foinsa’e Timor-Oan Maria Vitória ne’ebé koñesidu ho naran MARVI offisialmente lansa nia múzika sigle da-uluk ho nia títulu ILUZAUN.

Lansamentu ne’ebé hala’o iha restaurante El-Legendáriu Lecidere, iha loron 11 Fevereiru, nu’udár moos nia loron moris (2001-2022), Marvi espressa ho sentimentu ne’ebé nakonu ho gratidaun.

‘’ Ha’u Hakarak espressa sentimentu ne’ebé labele deskreve ho liafuan, tambá loron ne’e mak ha’u hein durante tinan 6, ho grasa Maromak nian no tulun husi ema diak sira, ohin ha’u lansa ha’u nia múzika da-uluk ho nia títulu Iluzaun’’ , espressa Marvi iha konferénsia Imprensa.

Múzika Iluzaun husi Marvi ne’e, hala’o nia prossesu produsaun iha tempu ne’ebé naruk ho razaun Nia labele fo sai nia múzika rasik tambá hakait ho nia prestaun iha The Voice Portugal 2018, iha ne’ebe Marvi sai manan Na’in da-uluk.

‘’ Ha’u sai manan na’in iha The Voice Portugal 2018, entaun hau ho hau nia manajementu tenke kumpri kontratu,  makes ami konsege halo komunikasaun ho Universál Múzika Portugal atu diskute hamutuk konabá produsaun múzika, maibé  to’o kontratu hotu iha tinan 2020, ha’u seidauk hetan single ne’e’’. Marvi Deklara.

Iha oportunidade ne’e Marvi agradese bá Nia Inan-Aman no família tomak, patrosinadór  sira ne’ebé durante ne’e sempre apoiu nia inklui moos team Manajementu no ba ema hotu nia suporta.

Iha fatin hanesan, kantór José M. Mesquita Freitas ne’eb’e koñesidu ho naran Pai Jé,suporta Marvi tambá nia seidauk tarde iha nia karreira múzika nian.

‘’Marvi professional ona tamba tuir eventu nasionál no internasionál hodi hatudu prestaun espektákulu, maibé ezizénsia husi ema barak hein atu nia iha múzika rasik, maibé ba ha’u nia seidauk tarde ho idade hanesan ne’e, hanesan maun, ha’u sempre suporta % 100’’. Tenik Nia.

Ho Lansamentu ne’e, Pai Jé hanesan vokalista bá banda legendáriu 5 de Oriente, iha esperansa katak sei fó espasu pozetivu ba Marvi iha Futuru, tamb’a iha esperansa bo’ot no husu Marvi atu kontinua halo produsaun ba múzika.

Entretantu, Patrosinadór sira ne’ebé tulun iha prossesu produsaun to’o realizasaun lansamentu múzika Iluzaun ne’e mak, Eis-Prezidente José Ramos-Horta, Jorge Serrano, Novu Tuzrízmu, Timor Furak, Klan, Jilo Expostu, GMN TV, Fone House, Perissos, Fundasaun Kristál, Flodova Farma.

Iha moos East Timor Trandding, Timor Telecom, Yellow Tail, Telcomcel, Zeal Unipessoal, Bintang, Limos, NT Tekstile, Rui Collection, Elizabeth House of Beauty, ACCCTO, Fabs Nail and Beauty. (Remata).