G-NEWS (DILI) – Relasiona ho sinais Trânzitu foun ne’ebé Diresaun Nasionál Transporte Terrestre (DNTT) monta iha área Arkivu & Muzeu Rezisténsia Timorense (AMRT) foin lalais ne’e, hamosu dúvida iha sosiedade no utentes transporte públiku no privadu sira.
Ho entrevista ne’ebé G-News halo, maiória sidadaun balun la aseita ho sinais trânzitu foun ne’ebé monta iha área AMRT nia oin, tanba ida ne’e sei hamosu engrafamentu. Hosi sinais trânzitu ne’ebé iha, transporte sira sei labale movimentu hosi diresaun Parlamentu Nasionál to’o iha Liceu UNTL, no tenke movimenta ba parte liman loos ba area tasi-ibun Palásiu Governu, hafoin tama parte karuk.
“Observasaun ida ba desizaun ida nee tuir hau nia hanoin sala. Tamba see hotu-hotu uza dalan parte banku mandiri nian ne’e iha oras meúdia no loraik sei akontese macet, e tetu ba kestaun seguransa, estrada parte banku mandiri nian ne’e liga direta ba portaun saida PM nian ne’e la seguru”, tenik ida iha grupu Diskusaun G-News nian, Kuarta-Feira (15022023).
DNTT tenke tetu situasaun ne’ebé ho posibilidade akontese engrafamentu iha refere tanba ne’e sei fó perigu ba sidadaun sira.
Tuir dosente UNTL ida katak, desizaun DNTT ne’e kria fali problema ida iha fali problema seluk nia leten tanba konsidera ne’e sei menus koñesimentu ba área trânzitu no rodáviaria.
“Ne’e hanesan ke’e rai ku’ak ba ami ne’ebé hala’o prosesu aprendijajen iha area ne’ebá. Ami la’os Umanu karik….hit matan hateke ba liceu borus mais tan de’it sinais ne’e pasensia ami be mai husi area ponta leste mak hanorin ka halao estudu iha liceu uza roda rua/haat ne’e tenke gasta tan biban jira tiha kampus sentral mak hurlele fali area liceu ne’e”, tenik Nia.
Utilizador transporte públiku no privadu sira husu DNTT atu foti desizaun tenke halo ánaliza no estudu klean hodi buka hatene ninia konsekuensia sira antes foti desizaun. To’o notísias ne’e fó sai, G-News seidauk halo konfirmasaun ho parte DNTT.
Antes ne’e, iha loron 9 fulan Fevereiru tinan 2023, liuhosi desizaun Diretór Jerál João Fernando Martins Borges, hasai avizu kona-ba stock kaderneta passaporte ne’ebé menus.
“Hare katak dadaun ne’e stock kaderneta passaporte komum hela deit 400 kaderneta nune’e reserva deit ba atendimentu emergência ba ema moras nebe atu evakua ba rai liur (estrangeiro). Hare mos katak sei iha mudansa (upgrade) kualidade ba kaderneta passaporte Timor Leste nian tuir rekomendasaun ICAO (International Civil Aviation Organisation) nian.
Tamba ne’e atendimentu ba Passaporte taka provisoriomente hodi hein kaderneta foun nebe’e dadaun ne’e iha prosesu imprimi (produs) iha rai liur.
Diresaun Jeral Servisu Registo no Notariado sei halo fali atendimentu wainhira kompanhia fornecedor hatama ona kaderneta passaporte foun.
Ba atensaun no komprensaun, hato’o obrigado wa’in.
Dili, 09 de fevereiru de 2023
Diretor Geral
Assinado no Karimbu
João Fernando Martins Borges
Jornalista : Ekipa G-News
Editór Textu : Amito Qonusere Araújo
loading="lazy" />