G-NEWS (DILI — Konsumedor krítika makaas instituisaun Eletrisidade Timor Leste, Empreza Públika (EDTL. EP) tanba sistema sosa pulsa EDTL. EP ne’ebé la di’ak, afeta tebes ba sidadaun sira nian nesesidade.
Konsumedor ida ne’ebé G-NEWS hasoru iha EDTL.EP kaikoli, Carlos Filípe Mendonça informa domingo (30062024) kalan ne’e katak, ho fallansu Sistema EDTL ne’e afeta tebes ba nesesidade díaria.
Ahi mate lakan, estraga ona sasan elektrónika komunidade
“Ha’u sente triste tebes ho sistema ne’ebé falla ne’e, tanba ita nia nesesidade loron-loron hanesan tein, karega telefone. Sira boot ne’e di’ak tanba ahi mate sira bele uza jerador, bee ita sira povu ki’ik ne’e atu jerador ka, han de’it mós araska, satan atu sosa jerador”, Carlos lamenta ba G-NEWS, iha edifísiu EDTL.EP Kaikoli.=
Nia dehan tán, desde dáder nia labele sosa pulsa tán Sistema falla, no situasaun ida ne’e afeta tebes ba nesesidade loron-loron, liu-liu tein.
Iha fatin hanesan, Leonora Ximenes konfirma, instituisaun EDTL.EP tenke prepara másimu, no halo rejerva ba ekipamentu ne’ebé iha, povu la hatene Sistema, tanba loron-loron utiliador sira enxe pulsu eletrisidade.
Kliente EDTL forma naruk sosa pulsa iha kalan
“Kuandu falla, sempre duun ba Sistema, bee Sistema ne’e ema mak halo, agora ami ahi mate amu ba sosa pulsa listrik, ne’e ami nunka dehan ami mate bee ami haruka tenke gratis, la iha too, agora hanesan ne’e, ita nia nesesidade tenke hein hotu Sistema, ne’e mak ema hamlaha, la tein, buat ruma akontese, boot sira iha EDTL.EP dehan hanusa”, Leonora ko’alia ba G-NEWS.
Iha pájina ofisial EDTL ninian fó sai informasaun iha domingu kalan ne’e katak, Sistema faan pulsa normaliza ona.
“Eletricidade de Timor-Leste, Empresa Pùblica (EDTL,E.P.) liu husi meiu ne’e hakarak informa ba kliente sira katak, Sistema fa’an pulsa (token enerjia) normaliza hikas fali ona, nune’e itaboot sira bele hola iha postu de venda sira iha kapitàl Dili”, EDTL fó sai iha ninia pájina ofisial.
Maske informasaun ofisial EDTL.EP fó sai ona, maibé normalmente postu de venda balun to’o oras ne’e seidauk bele fasilita kliente sira tanba prosesu sei lao hela.
Falla jere EDTL. EP, lakon konfiansa ba plataforma governu
Adolfina de Araújo, informa ba G-NEWS domingu kalan ne’e informa, nia parte ba ona postu de venda iha Pantai-Kelapa, maibé seidauk bele sosa tanba Sistema seidauk di’ak.
“Ohin ami ba tiha faan pulsa nian iha Pantai-Kelapa, maibé dehan la di’ak nafatin, ne’ebé ami fila tiha de’it. Agora ami hein de’it Sistema di’ak mak sosa pulsa, kalan ita la tein ona, it abele hamlaha”, haktuir Adolfina ba G-NEWS iha Pantai-Kelapa.
Editór Testu : Amito Qonusere Araújo
loading="lazy" />