G-RTV NEWS : Guvernu Deside liu husi rezolusaun Nú. 12/2021, Loron 8 Fulan Marsu, katak halo serka sanitáriu no konfinamentu Obrigatóriu ba territóriu Munisípiu Dili, relasiona ho kazu COVID-19 ne’ebé kontinua rezista iha Munisípiu Dili.
Tamba ne’e obriga Vendedór sira iha Kapitál Dili tenke ”hadau malu” produtu agríkola iha Fatu-Ahi, Posto-Administrativu Cristo Rei hodi fan tutan fali iha merkadu atu responde ba nesesidade konsumidór iha Kapitál Dili. ( 18/03/2021).
Tuir observasaun jerál Jornalista G-RTV NEWS iha terrenu, haré katak Vendeor hirak ne’e ”hadau malu” produtu agríkola mai husi Parte Leste inklui Hera no Metinaru.
Jornalista tenta atu entrevista ho Vendedór sira maibe sira la kohi fo komentáriu, no ho lian maka’as sira hakilar husi do’ok hodi dehan Ami halo nune’e tamba Produtu sira husi Munisípiu seluk la tama mai Dili, no Guvernu la kria kondisaun mai Ami molok deside.
Iha fatin hanesan, Jornalista G-RTV NEWS observa moos katak vendedór sira la tuir regra sira konabá prevensaun COVID-19 ne’ebé Guvernu fo sai, nune’e bele fo inpaktu ba Vendedór sira, maske sira halo tamba nessesidade Família no konsumidór iha kapitál Dili.
Jornalista : Arménio.
Editór : Julio Paixão.
loading="lazy" />