Jornalísta : Arménio //
G-RTV.com (Dili) : Estrada ligasaun postu- administrativu Lautém-Villa ba postu-Administrativu Lospalos -Villa ne’ebé ‘’dodok’’ tebes iha tinan 8 ikus ne’e, tinan ne’e sei hadia.
‘’ Tuir informasaun husi Ministériu Obras Públika ba ami katak Estrada ligasaun Lautém ba Lospalos Villa, tinan ne’e (2022) sei halo (hadia) inklui Lautém ba Com ’’, Dehan Administradór Munisípi Lautém, Domingos Sávio, iha salaun D. Bosco Comoro (Dili), 21/02/2022.
Administradór afirma liu tan, agora dadaun iha ona prossesu nia laran, tenderizasaun seidauk klaru, maibé ‘’kompromete’’, tinan ne’e sei halo inklui estrada iha Lospalos-Villa laran ho kilómetru 10.
Tuir Kronolojia, Estrada refere sai grave hahu iha tinan 2016/2017 bainhira kompañia balun ke sai alkatraun tempu Indonézia nian hodi hadia fali, infelizmente la konsege to’o remata tambá ho razaun balun ne’ebé seidauk klaru.
Entretantu, tuir observasaun iha fulan Dezembru 2021, estrada ligasaun Lautém ba Lospalos ho kilómetru 30 resin sai grave iha tempu udan maske tinan-tinan Ministériu Obras Públika liu husi IGE sempre ateru, nune’e difikulta movimentasaun transporte liu-liu hirak ne’ebé atu lori nia produtu ba merkadu.
La’ós de’it estrada ligasaun Lautém-Lospalos, maibé mós iha Lospalos-Villa nu’udár kapitál munisípiu laran ne’ebé falun ho be merak hafutar ho tahu dodok ne’ebé nalihun. (REMATA).
loading="lazy" />