G-RTV.com (DILI) : Serimónia toma posse bá estrutura nasionál no munisípiu husi Junta Força Política Xanana-Ramos Horta (JFP (XA-RA)) ne’ebé hala’o iha salaun katedrál Dili, Marka prezensa husi líder nasionál Rogerio Tiago Lobato.
Rogerio Tiago Lobato nu’udár líder nasionál no membru ativu Comite Centrál Fretilin husi CCF tuan 1975 no CCF Post -independénsia, ne’ebé fila mai Timor iha dezembru 2021 hafoin tinan 4 resin hala’o tratamentu saúde iha rai-liur.
‘’Ami jerasaun 75, ami nafatin hamutuk atu lori esperansa foun ba Timor Leste, labele husu ona povu atu pasensia maibé agora to’o ona, tenke iha ona benefisiu ba independénsia’’ tenik Rogerio Tiago Lobato bainhira diskursu.
JFP (XA-RA) ne’e, tuir informasaun ne’ebé G-RTV.com assesu katak, nu’udár movimentu ida ne’ebé sei apoiu totalmente bá líder nasionál na’in rua, Kay Rala Xanana Gusmão no Ramos Horta iha períodu eleisaun Prezidensiál no Parlamentar 2022 no 2023.
JFP (XA-RA) la’ós movimentu partidaria maibé nu’udár aliadu defende konstituisaun direitu demokrátiku ho nia pozisaun atu apoiu Xanana-Ramos, harii iha loron 24/10/2022, lidera husi Lucas Colibere.
Marka prezensa iha serimónia ne’ebé hahu iha óras tuku 10 dadér, loron 14/01/2022, iha salaun katedrál Dili, além husi Rogerio Lobato, prezensa moos husi lider nasional Ramos Horta no membru JFP (XA-RA) kuaze ema na’in 100 resin.
Jornalista : Arménio.
Editór : Ekipa G-RTV.com
loading="lazy" />