Jornalísta : Arménio //
G-RTV.com (Dili) : Tribunál Rekursu (TR) ne’ebé responsabiliza ba prossesu rezistrasaun to’o númeru boletím ba kandidatu Prezidente Repúblika períodu 2022-2027, sei organiza atu dada númeru sorteiu ba kandidatura sira tau iha buletim votu.
Númeru sorteiu ne’e, tuir planu sei hala’o iha loron 16/02/2022 bainhira la iha ona rekursu husi kandidatu ruma inklui kandidatu ne’ebé la admite.
‘’Ba sorteiu, bainhira la iha rekursu, sorteiu ita hala’o iha bairua (16/02), sei konvida kandidatu ka nia reprezentante no média atu bele partisipa iha sorteiu ne’e,’’ deklara Prezidente Tribunál, Deolindo Dos Santos, hafoin anunsia offisialmente rezultadu verifikasaun finál ba kandidatura Prezidente Repúblika iha salaun konferénsia TR, Caicoli (Dili), 14/02/2022.
‘’ Bainhira iha rekursu, sei hetan desijaun kolektivu nian mak ita foin dada sorteiu ba kandidatu sira ne’ebé admitidu’’, fortifika Nia.
Entretantu, kandidatu sira ne’ebé admitidu ona, hamutuk na’in 16, no ida ne’eb’e la admitidu na’in ida nune’e totál kandidatu sira ne’ebé ba rezistu iha Tribunál hamutuk sidadaun na’in 17 inklui feto 4. (Remata).
loading="lazy" />