G-RTV News (27/04/2021): Rezultadu husi dezastre naturais ne’ebé akontese iha loron 04 Fulan Abríl tinan 2021, rezulta estrada diresaun postu-administrativu Remexio, Munisípiu Aileu Estragus totál hodi difikulta movementasaun trasnporte Remexio-Dili no Remexio-Aileu.
Tuir deklarasaun konferénsia imprensa husi Klibur Estudante Universitáriu Postu Administrativu Remexio (KEUPAR) Tersa-Feira (27/04) ne’e iha resintu UNTL, Fakuldade Siênsia Sosiais, hateten katak rezultadu husi akontesimentu dezastre naturais rezulta dalan kotu no besik ona fulan rua, la iha assesimentu ba dalan ho seguru.
‘’Tamba dezastre naturais ne’ebé akontese iha semana tolu liu bá, rezulta dalan kotu, maibé to’o besik ona fulan ida, guvernu seidauk hadia ami nia dalan, tamba ne’e, husu ba parte relevante liu-liu MOP atu tau konsiderasaun hodi hadia’’. Deklara porta-vóz, Luisa Fernandes Da Silva.
Nune’e mós, KEUPAR husu ba PM Taúr Matan Ruak, nu’udár Aman no iha tempu rezisténsia subar iha Remexio atu hadia lalais dalan ne’ebé kotu totál.
‘’Ami husu espesiál ba Primeiru Ministru Taúr matan ruak, nu’udár ami nia aman no bainhira iha tempu rezisténsia uluk, ami nia inan-aman sira kuidadu tebes no subar mós Primeiru Ministru iha rai Remexio atu hadia dalan ne’ebé kotu, atu nune’e komunidade sira bele assesu fila-fali atu buka moris, liu-liu konabá saúde’’.espressa Luisa.
Husi konferénsia imprensa ne’e, KEUPAR mós deklara konabá komunidade no parte saúde hulan de’it ema moras ba iha óspital.
‘’Durante semana tolu ona, identifika moras rua mak ekipa saúde no família sira hulan de’it hodi la’o kuaze Kilómetru lima (5Km) to’o iha estrada diresaun Aileu-Dili’’. Deklara Nia.
Iha fatin hanesan, responsável KEUPAR haktuir Konabá esforsu husi autoriedade Postu-Administrativu Remexio atu foti medida ba problema refere, maibé to’o oras ne’e desijaun ruma seidauk iha.
‘’Esforsu Autoriedade Postu halo duni proposta, maibé la iha desijaun nune’e ho laran triste, ami reprezenta inan-aman no autoriedade postu halo konferensia imprensa ida ne’e, atu husu ba parte relevante sira hodi konsidera no atua’’. Responsável Haktuir Pedro Fernades.
Porta vóz mós fó sai katak, komunidade ke’e duni dalan maibé ba de’it ema lao-ain no motoriza.
‘’komunidade ke’e duni dalan provizóriu maibé ba de’it ema-lao-ain no sira ne’ebé utilija motirizada ho kuidadu tebes tamba fatin la seguru ba movimentasaun’’. Fo sai husi reponsável ne’e.
Tuir dadus ne’ebé fo sai husi Guvernu katak dezastre naturais ne’ebé akontese iha inísiu fulan abríl ne’e, rezulta família afetadu hamutuk uma-kain 28.734 iha territótiu nasionál, munisípiu Aileu iha uma-kain 176 mak afetadu.
Jornalista : Julio Paixão.
Editór : Arménio.
loading="lazy" />