UNPAZ Rekoñese Ramos Horta Hanesan Akadémiku

Jornalísta : Amar Belo //

G-RTV.com (Dili) : Magnífiku Reitór Universidade da Paz (UNPAZ), Adolmando Soares Amarál rekoñese, José Ramos-Horta hanesan ema akademdémiku ne’ebé iha kapasidade intelektuál no manajeriál.

“Ohin prezensa Dr. Jose Ramos-Horta hanesan ema akadémiku, iha kapasidade intelektual no manajeriál ne’ebé bo’ot, kapasidade polítika internal no externál tamba ne’e mak nia mai hodi fahe experénsia ba ita iha Universidade Da Paz,” Dehan Reitór UNPAZ, Adolmando Soares Amarál iha Nia Diskursu, Salaun Unpaz, kuarta feira ohin, 30/03/2022.

Nia Afirma, wainhira UNPAZ publika realizasaun Semináriu ida ne’e iha média sosiál, hamosu opiniaun públiku, tambá konsidera Horta nia prezensa hanesan buka votu.

“Maibé Adolmando defende katak komunidade Akademika  Universitariu la halo Politika ida maibe iha fatin Ida ne’e hanesan laboratoriun ba akademista tomak atu ko’alia polítika,” Afirma .

Iha fatin hanesan, Orador prinsipal Jose Ramos Horta mós apresia ba dosente no studantes sira tanba konvida ona nia mai ko’alia kona-ba  dezafiu no oportinidadeb ba Timor-Leste iha tinan 2022 ba 2027 nia.

 “Ha’u agradese tanba fó oportunidade ba ha’u atu ko’alia ba Dosente no estudantes sira iha UNPAZ, tanba dala barak konvida ha’u akompaña kresimentu universdade ninian,” Horta deklara.

Nia reforsa, tema ida ne’e importante tanba ko’alia kona-ba dezafiu no oportuidade ba Timor-Leste iha tinan 2022-2027, karik nia eleitu sai Prezidente Repúblika sei kontinua ba tinan naruk.

Entertantu semináriu ida ne’e hetan partisipasaun masimu husi estudantes no dosente sira inklui mós fundadór sira Universidade da Páz.

 (Remata)