Dili, 24-03-2021 (G-RTV) – Bazeia ba Pandemia Covid-19 no Compinamentu Obrigatoriu ne’ebé durante ne’e estadu Timor-Leste implementa, halo Vendedores sira iha Merkadu Manleuana lakon rendimentu no estraga de’it modo tahan tanba la iha Compradores ne’ebé mai hola sira nia sasan.
Vitória Da Costa Magno hanesan Vendedora hahu husi tinan 2001 mai to’o agora, hato’o ba jornalista G-RTV iha Merkadu Manleuana, nia senti triste tanba sasan nia folin la hanesan ho tempu ne’ebé seidauk iha Compinamentu Obrigatoriu no rendimentu menus liu atu bele sustenta ba nia família
“Estadu Emerjenisa seidauk iha ha’u faan sasan folin di’ak, loron ida bele hetan u$ 30.00 ka 40.00 dólar, maibé agora ha’u senti triste tanba Compradores mós la iha, sasan latama dala ruma modo tahan ami estraga de’it no rendimentu menus liu, oinsá mak ami bele sustenta família” haktuir nia
Iha fatin hanesan Maximiliano Pereira nu’udar Vendedor iha Merkadu Manleuana mós senti triste tanba faan sasan rendimentu menus liu kompara ho tempu ne’ebé seidauk iha Compinamentu Obrigatoriu
“senti triste tanba iha estadu emerjensia ida ne’e, ha’u faan sasan la folin tanba loron ida hetan de’it u$ 10. 00 dólar amerikanu, kompara ho tempu seidauk emerjenisa ne’e loron ida ha’u hetan liu ida ne’e”
Maske Vendedor sira ne’e laran triste tanba impaktu husi Pandemia Covid-19 maibé sira konsiente katak moras ne’e perigozu ba ema nia vida no sira mós bele kontribui ba estadu Timor-Leste atu bele kombate pandemia Covid-19 ne’ebé oras ne’e hamate ona ema barak iha mundu.
Tuir observasaun G-RTV iha Merkadu Manleuana katak movimentu Compradores sira ladun iha no modo tahan balun namlaek hodi estraga de’it , alende ne’e Vendedores sira mós nafatin kumpri regra estadu emerjensia ne’ebé oras ne’e dau-dauk estadu Timor-Leste implementa.
Jornalista : Alves Pinto
Editor : Domingos Moreira
loading="lazy" />