Jornalista : Arménio //
G-RTV.com (Dili) : Loron Domin eh namorada koñesidu ho lian Inglesh ‘’Valentine Day’’ ne’ebé selebra kada tinan iha loron 14 Fulan Fevereiru, tinan ne’e, vendedór ropa Obralan (OB) selebra ho ahi nia suar.
Ahi nia suar ne’e, lori dezastren inséndiu ne’ebé rezulta OB iha merkadu Manleuana iha parte odamatan ba transporte públiku sai nian estragus total.
‘’Ami hela iha dook, ami to’o mai inséndiu akontese ona, ami sentre triste ho ida ne’e, ami lakon ami nia sasan barak, kompara ho osan karik besik Dollar rihun 3 resin’’. Espressaun triste husi Vendedora Tereza da Silva iha fatin akontesimentu, Merkadu Manleuana (Dili), 14/02/2022.
Tereza afirma moos, durante ne’e ho faan OB mak sustenta família nia moris inklui lori oan to’o remata lesensiadu iha universidade inklui hare moos bei-oan sira.
‘’ Liu tuku 6 resin dadér, ami sai mai derrepente ahi komesa suar ona, nune’e ami bá hare ahi komesa bo’ot ba bebeik, ami konsege lori be bá rega maibé labele salva tambá anin akompaña,’’. Sasin Leonito Da Costa Ximenes konta tuir .
Sasin ne’e moos esplika, sira la hare ema ruma mak sunu no la deskonfia iha sirkuitu elétriku mak hamosu inséndiu tambá ahi komesa domina ona mak sira tun ba.
Tuir Observasaun direta husi G-RTV.com iha terrenu nota katak, inséndiu refere rezulta fatin OB hamutuk 34 la salva no Bombeirus ho rápidamente hamate Ahi iha óras 1 resin ne’ebé ikus mai la konsege da’et ba fatin sira seluk iha area merkadu Manleuana. (Remata).
loading="lazy" />