G-NEWS (Dili)- Governu Xina iha Timor-Leste apoiu ekipamentus polísial ba Komandu Jerál Polisia Nasiona Timor-Leste hodi suporta atividade sira iha Baze.
Sexta –Feira ne’e (28/10/2022), Embaxador Xina iha Timor-Leste Xiao Xiaguo entrega ekipamentus ba Komandante Jerál PNTL Komisáriu Polísia Faustino da Costa iha edifisiu Komandu Jéral PNTL Kaikoli Dili. Sasan sira ne’e mak hanesan Boña hamutuk 2000, Biti Kombate hamutuk 1000, istik hamutuk 1000, no solar painel hamutuk 100.
Komisáriu Polísia Faustino da Costa hateten, apoiu hirak ne’e sei kuidadu no utiliza ho di’ak ba nesesidade servisu nian, atu bele dura ba tempu naruk.
“ ohin liu husu embaxada Xina iha Timor-Leste apoiu ekipamentus ba PNTL, hakarak husu ba ita bo’ot sira atu kuidadu sasan sira ne’e ho di’ak tanba ne’e sai patrimonio ba Polísia Nasional Timor-Leste atu servi povu no ita nia rai, sasan sira ne’e na’in mak PNTL tanba ne’e suporta atividade polisia nian hodi hala’o knaar iha baze ba área operasional nian” dehan nia.
Komisariu Faustino da Costa subliña tan, iha tinan oin 2023 sei hetan tan motorizada ne’ebé apoiu husi embaxada Xina iha Timor-Leste hodi bele haforsa liu tan servisu Polísia Trânzito nian.
Entertatu Komisariu Faustino lori Komandu Jerál PNTL nia naran, agradese ba Governu Xina iha Timor-Leste ho nia ekipa tomak ne’ebé apoiu ona ekipamentus ba PNTL.
Jornalista : Alves Pinto
Editór : Amito Qonusere Araújo
loading="lazy" />