G-RTV.com (Dili): Arquidiocese Metropolitánio Dili entrega dokumentu padraun lisensiamentu ba Ministériu Ensinu Superior, Siénsia no Kultura (MSSK) ho objetivu atu husu autorizasaun hodi loke Universidade Catótica Timorense (UCT).
‘’Ohin ami entrega dokumentu tuir regra ne’ebé MSSK foo atu loke universidade katólika, tambá iha loron 19 fulan marsu liu bá, ami hatama karta pedidu atu halo abertura ba prossesu, no ekipa instaladora halo servisu maka’as no ohin bele entrega dokumentu tuir padraun ne’ebé ne’ebé iha ’’. hateten Archebispo D. Virgílio Do Carmo da Silva, SDB, bainhira remata entrega dokumentu iha salaun enkontru MSSK, Sexta ne’e.
Ema númeru ida iha estrutura Archidiocese Metropolitanio Dili, esplika moos konteudu husi dokumentu ne’ebé submete ba MSSK nu’udár instituisaun guvernu nian ne’ebé tutela ba servisu ensinu superior nian.
‘’Konteudu dokumentu ne’ebé foo, ami hatan ba MSSK nian tuir padraun ba lisensiamentu atu loke universidade, ne’ebé kritériu hamutuk kuaze 11 atu ami nia ekipa prienxe no ohin bele entrega ba MSSK’’. Esplika D. Virgilio.
Inisiadór ba prossesu atu loke universidade katólika, desde iha tempu D. Carlos Belo, SDB , nian ne’ebé hahu ho ekipa ida atu halo estudu viabilidade no kontinua ho D. Ricardo nia tempu.
‘’UCT la’ós ha’u nia mehi no hakarak maibé desde tempu D. Carlos Filipe Ximenes Belo,SDB ne’ebé hahu ho ekipa ida atu halo estudu viabilidade, kontinua ho D. Ricardo nian lideransa, no ha’u mai atu kontinua tambá tempu ona atu kontinua mehi ida ne’e atu realiza’’. reforsa Prezidente Conferência Episcopál Timorense.
Tuir Diretora Jerál (DJ) MSSK, Dra. Filomena Maria Gutteres Lay, ba média katak, padraun sira ne’ebé atu estabelese universiddade ida mak hare ba rekursu umanu, rekursu infratutura liu-liu terrenu no sustentabvilidade bá futuru.
‘’Kritériu sira ne’ebé ami aprezenta katak, hare liu bá rekursu umanus, rekursu infrastutura, tambá atu haree nia sustentabilidade ba futuru universidade ida ne’e, haree moos ba iha terrenu universidade nian ba dezenvolvimentu nian iha futuru,’’. DJ Informa.
Nia hatutan, tempu bá verifikasaun dokumentu ne’ebé Arquidiocese sebmete, sei verifika to’o fulan tolu no bele moos fulan 6.
’’Ami sei haree fila fali, lais liu mak fulan tolu no kleur liu mak fulan 6, tambá ne’e tékniku sira tenke iha kolaborasaun diak husi parte rua, atu nune’e bele prossesu no iha determinasaun tuir futura universidade nia hakarak’’ fontes ne’e hatutan.
Planu Universidade ne’ebé atu loke, iha tinan rohan 2021, no sei instala iha Dili, fatin Eis-externatu Saun José ka koñesidu ho naran Sanyos, no sei hahu ho fakuldade 4, tambá UCT hanesan tranzisaun ida husi Institutu Siénsia Relijiozu (ICR-sigla português) atu hasa’e nível institutu nian ba iha universidade hodi loke tan fakuldade sosiál 2 ho nia departamentu Edukasaun, Língua no Arte, iha moos fakuldade siénsia Umanas, medisina, no enjiñaria,
Infratuturamentu fízika ba edifísiu universidade nian atualmente, kuaze % 80 ona, konabá rekursu umanu ema na’in 50 resin ne’ebé mai husi mastradu no doutoramentu, komprometidu atu bele tulun iha programa sira ne’ebé integra, archebispo esklarese.
Jornalista : Arménio.
loading="lazy" />