Jornalísta : Amar Belo //
G-RTV.com (Dili) : Atu lori vitória ba kandidatu prezidente repúblika períodu 2022-2027 Martinho Gusmão, Brigada Apoiu Martinho (BAM) ezíste hodi fó apoiu ba prezidente.
BAM deklara, sei fó apoiu tomak nune’e iha tempu badak ne’e sei esforsu tomak liu husi uma ba uma iha baze atu lori vitória ba Martinho Gumsão.https://g-rtv.com/blog/pe-martinho-gusmao-prontu-kandidata-an-ba-pr-oinsa-ho-vida-amu-lulik/1697/uncategorized/
‘’BAM ho esforsu tomak, atu tun bá baze liu husi tama sai uma iha povu aileba nia leet hodi influénsia atu fó sira nia votu ba kandidatu ho númeru sorteiu 13’’, deklara Matias Amaral Ramos, nu’udár porta-vóz hafoin deklarasaun iha jardím 5 de Maio, Dili, 04/03/2022.
‘’Uluk nia sei Padre, fó nia-án tomak, hodi serbi sarani sira, agora foti desijaun ida tan atu sai aman ba nasaun, nune’e husu bá povu tomak atu fó fiar ba kandidatu Martinho Gusmão (MG)’’, hatutan Matias.
BAM mós konsidera MG hanesan jerasaun foun iha kapasidade bo’ot no esperénsia iha area oi-oin nune’e nia bele tur iha palásiu Ai-tarak laran tambá nia mai ho Motto : HODI POVU, HO POVU, IHA POVU ITA MANAN.
Apoiu konfiansa bá MG tambá iha mós kapasidade atu hatur fila-fali konstituisaun iha nia fatin no hakotu impasse polítika, afirma BAM.
Entretantu, kandidatu MG oras ne’e dadaun hala’o ona nia kampaña hodi hato’o komprimisu polítika tuir oráriu ne’ebé CNE fó sai. (REMATA).
loading="lazy" />