G-NEWS (DILI) – Relasiona ho labarik-Joven na’in rua ne’ebé lao lakon, ikus mai mate iha Ramelau iha semana ida liu ba.
Iha públikasaun vídeo ne’ebé públika iha sosial mídia anota katak, matebian nai’in hamutuk ho nia kolega sira toka múzika no kanta antes sira na’in lao lakon to’o lakon vída.
Bainhira família matebian, hamutuk ho lia na’in sira, inklui autoridade seguransa buka tuir matebian na’in rua, ikus mai hetan duni maibé sira nia kondisaun labele salva.
Relasiona ho ne’e, sidadaun barak husu ba autoridade seguransa atu halo investigasaun klean ba matebian na’in rua nia kolega sira ka grupu ne’ebé movimenta ba Ramelau, nune’e bele hatene lolo’os kronolojia hosi kazu ne’e.
“Autoridade frontline (integradu, bele envolve Membros husi PNTL, F-FDTL, Bombeirus, no saúde no seluk tan) labele situasional deit bainhira enfrenta kalamidades ruma, maibé tenke monta Posto iha area ne’ebé Timor oan barak ba visita hodi observa, fahe informasaun nune’e bele orienta vizitantes sira hodi lao tuir protokolu ruma ne’ebé establese hodi prioritiza salvasaun ba vida pessoal ne’ebé vizita. Timor Leste ba Timorenses rasik”. Dehan sidadaun ida.
Sidadaun ida Bartolomeu Pinto ba G-News iha Óspital Nasionál Guido Valadares (Kuarta-Feira, 15022023) katak, investigasaun ba matebian na’in rua nia kolega sira ne’e atu hatene lolo’os kronolojia, nune’e públiku bele hatene, hodi atensaun didiak bainhira atu ba vizita Ramelau.
Alende ne’e, sidadaun balun mós husu atu instala postu seguransa permanente ida iha santuariu Nain Feto hosi parte hanesan Polísia, lia nain, autoridade komunitária, Relojiozu, nune’e halo koordenasaun antes sidadaun ka grupu sira vizita no to’o foho Ramelau tutun.
“Diak liu ita nia Governu, koordena ho Parte Igreza atu diskute oinsa atu kuida no asegura fatin sira lulik, nune’e kuandu públiku ba vizita karik tuir nia dalan no regras, se lae vizitantes sira ba la komprende, koalia arbiru, ikus mai sai vítima”, informa João Barros.
Alende ne’e, sosiedade tomak mós husu atu kria regras rígor ba sidadaun tomak bainhira atu vizita ba Ramelau.
Jornalista : Ekipa G-News
Editór Textu: Amito Qonusere Araújo
loading="lazy" />