G-NEWS (DILI) – Tanba sá loron Sexta-Feira Santa importante ba Sarani Katólika sira iha Mundu, hanesan mós Timor Leste ne’ebé maiória sarani Katólika. Iha Timor Leste, Sexta-Feira Santa monu iha loron 7 fulan abril tinan 2023. Tanba ne’e, Governu deside ba loron feriadu nasionál.
Saida mak loron Sexta-Feira Santa? Tuir mai esplikasaun istória to’o definisaun Sexta-Feira Santa ba Sarani Katólika sira.
Sexta-Feira Santa hanesan selebrasaun ba loron mate Jesus Kristu iha Kruz ba ninia sakrifísiu. Sexta-Feira Santa hanesan loron nakukun no monok tanba iha loron ne’e, akontese akontesimentu ba sofrimentu no Jesus Kristu nia mate.
Ba ema sarani Katólika sira, loron Sexta-Feira Santa hanesan loron ida importante tebes tanba akreditadu katak Jesus Kristu dispostu ka oferese iha Kruz ba redensaun ba sala sira humanidade nian.
Sexta-Feira Santa inklui loron ida hosi loron tolu santu nian ne’ebé selebra hosi Sarani Katólika antes Páskua. Iha mós série eventus Páskua nian iha Semana Santa sira.
Istória Sexta-Feira Santa
Akontesimentu Sexta-Feira Santa hanesan loron ida ne’ebé importante iha istória Katólika. Hanesan fó sai iha pájina learnreligions.com, istória Jesus Kristu mate iha Kruz, hakoi to’o moris hias hosi mate, bele hetan iha parte balun hosi Biblia Mateus 27:27-28:8; Markus 15:16-16:19; Lucas 23:26-24:35; no João 19:16-20:30.
Iha kalan antes mate, Jesus ho nia eskolanten sira foti atu han hamutuk ikus nian no hafoin ida ne’e ba iha Jardim Getsemanu.
Iha ne’ebá, Jesus uza ninia oras ikus nian hala’o orasaun ba Aman Maromak, enkuantu eskolante sira toba besik Nia. Maibé antes atu kastigu mate Jesus, líder sira Relijiaun Romana presiza atu hetan konkordánsia ba pena de morte ba Jesus Kristu.
Kontinua ida ne’e, Jesus hetan kapturasaun no halo interogasaun hosi Sanhedrin no fó kastigu. Kontinua ba ne’e, Jesus Kristu lori ba Ponci Palatus, Governádor ida Romana iha Judeia.
Maibé Pilatus hetan katak, Jesus Kristu la sala, no la iha razaun atu aplika oena de morte. Maibé tanba ema barak hakarak Jesus Kristu tenke hedi iha Kruz, ikus mai aplika pena de morte ba Jesus.
Hafoin ida ne’e, Jesus hetan baku ho asasinatu, trata, baku nia ulun ho ai no tafui ba Nia leten. Koroa ida tarak tau ba Nia ulun no hasai Nia ropa. Nune’e husu mós ba Nia atu lori Nia Kruz rasik. Jesus lori ba Foho Kalváriu iha ne’ebé Forsa sira tau pregu ba Ninia liman no ain hedi ba Kruz. Iha Kruz leten hakerek “Liurai Judeia nian” Iha Ninia ulun.
Jesus hedi iha Kruz maijumenus óras neen nia laran to’o Nia hakotu is. Kuandu sei iha Kruz, Forsa sira soe Ninia roupa. Ema hotu-hotu hakilar, halo insultu no halo desprezu.
Kuandu rai atu ba kalan, Joseph hosi Arimatea (ho tulun hosi Nicodemos) hatun Jesus nia mate isin hosi Kruz, no hatuur iha rate foun mesak. Iha ne’ebé dudu fatuk boot ida atu taka tomak odamatan rate nian.
Jesus nia mate hanaran Sexta-Feira Santa tanba akontese akontesimentu ida Santu nian. Sarani Katólika fiar katak Jesus Kristu hanesan Maromak nia oan ne’ebé perfeitu to’o mate ne’ebé oferese expiasaun perfeita.
Liuhosi Jesus nia mate, ema sala na’in sira hetan perdaun. Entaun Fiar ida ne’e bele esplika tanba-sá loron hedi Jesus konsidera hanesan loron Sexta-Feira Santa, Sexta “Diak”.
Sexta-Feira Santa hanesan loron importante ba sarani Katólika atu selebra Jesus nia terus no mate. Maske konsidera nu’udar loron terus nian, maibé Sexta-Feira Santa intrepreta sai loron sakrifísiu atu perdua sala laek sira.
Selebrasaun lubuk ida ne’ebé hala’o iha Sexta-Feira Santa hanesan servisu Santu sira nian, rona leitura no kanta múzika motivasaun ba memória Jesus nian.
Alende ne’e, iha loron ne’e mós ema katólika oferese ninia tenpu tomak iha Sexta-Feira Santa liuhosi Jejum, Orasaun, arrependimentu, meditasaun kona-ba sofrimentu no Jesus nia sofrimentu.
Definisaun Sexta-Feira Santa fó lisaun ba sarani Katólika katak Jesus nia sofrimentu hanesan meiu ida Maromak bele haree sentimentu domin ba ninia kriasaun até Jesus nia mate, Nia kontinua hasa’e orasaun ba Aman Maromak atu fó perdaun ba ema sira ne’ebé oho Nia.
loading="lazy" />