G-NEWS (DIL) – Durante ne’e afiliasaun hosi partidu ida ba partidu seluk hahú lao fali ona iha baze. Iha afiliasaun ne’e, militante hosi partidu anterior ne’ebé afilia ba partidu seluk, lekar sai fallansu hosi partidu ne’ebé nia sira pertense ba. Ida ne’e hatudu katak afiliasaun hosi partidu ida ba partidu seluk hanesan soran líder partidu sira, bainhira hato’o deklarasaun ofisial iha partidu ne’ebé sira afilia ba.
Públiku durante akompanha informasaun sira ne’e iha fatin-fatin, barak liu mai hosi partidu jigante sira mak sempre insulta malu no hasai deklarasaun la edukativu
Afiliante sira deklara, rajaun afilia tanba partidu da-huluk ne’ebé sira horik ba la diak, no partidu la fó benefísiu direta ba sira.
Tuir Observádor Akadémika hosi UNDIL Francisco Martins informa ba G-News katak, afiliasaun hosi militante sira hosi partidu ida ba partidu seluk iha implikasaun bo’ot ka afeta ba partidu seluk ne’ebé nia sai, satan asume kargu importante.
“Sim iha implikasaun bo’ot ba Partidu ne’ebé mak nia membru husik, no afilia ba Partidu seluk. Porezemplu se membru ne’e mos okupa Kargu importante ruma iha Partidu laran, kuando nia sai, sei hamosu dúvidas bo’ot ba iha membru babain sira ne’ebé sei nafatin partidu ne’e”, Franisco informa Domingu 19022023.
Deklarasaun hosi afiliante sira tama sai partidu ida hodi konta partidu seluk ne’e normal bainhira tama eleisaun bainhira iha afiliasaun akontese. Deklarasaun kuando ladiak, justifika mós durante ne’e nia la aprende polítika diak ruma, maibé hatene mak insulta no halo deklarasaun ho politikamente la edukadu.
“Komunikasaun polítika mós instrumentu justifika nível polítika partidu nian. Se Partido ne’e konsentra deit mak hatun adversáriu, no la tau atensaun ba Programa Dezenvolvimentu, signifika iha buat ruma. Primeiru, bele mos militante partidu sira ne’e gosta atu nia lideransa trata partidu seluk.
Iha parte seluk, tuir Observádor akamémika Francisco Martins katak, ida ne’e bele justifika partidu sem Programa.
Iha parte seluk, Estudante universitáriu UNPAZ Ermundo Cardso dehan, durante deklarasaun hosi líder partidu polítika la saudável no la edukativu tanba, tanba sidadaun sira ne’ebé halo afiliasaun mak hato’o keixa kona-ba partidu seluk nia salan.
“Tuir Ha’u nia hanoin, sira ne’ebé afilia tenke mantein iha laran atu hadia, laos afilia tun afilia sai, no hasai deklarasaun oi-oin, ikus mai líder sira mós monu ba deklarasaun hirak ne’e hodi kontinua halo defamasaun ba adversáriu polítika, ikus mai sira la unidade tanba moe ba malu, no ita povu mak sai vítima”, tenik Nia.
Tuir nia observasaun katak, líder sira la unidade durante ne’e tanba moe balu ho deklarasaun sira ne’ebé deklara iha sosializasaun kanatividade partidu nian, tanba sidadaun sira besik ona eleisaun, sempre kesar ka soran partidu seluk nia at deit, maibé nunka deklara ninia diak.
Jornalista: Ekipa G-News
Editór Textu: Amito Qonusere Araújo
loading="lazy" />